საზღვრისპირა სოფელი ჭიმღა სიცოცხლის ბოლო დღეებს ითვლის

https://mtisambebi.ge/ - არხოტს ტოვებს გიგლა ოჩიაური, მარტოკაცი, რომელმაც 44 წელი რუსი არ გააჭაჭანა ჭიმღისწყლის ხეობაში. იშვიათად მინახავს, მთის კაცს ისე უმძიმდეს, საუბრის დროს ყელში ბურთი ეჩხირებოდეს. „თითო-თითო ადამიანი ვცხოვრობთ. ერთი ადამიანის სიკვდილი მთელი სოფლის სიკვდილს ნიშნავს. როცა შუქი არ გაქვს, გზა არ გაქვს, ლამფაზე ხარ და ფქვილს მხრით ეზიდები საზღვარზე, ჭიქებთან კი გვინდა, რომ სოფელი არ დაიცალოს, მაგრამ რას ვაკეთებთ ხალხის გასაჩერებლად. აქაურობისთვის გამოყოფილ მილიონებს რომ მოიპარავ... დავიღალეთ ამ ხელისუფლების თაღლითობით. ესენი კაბინეტებში სხედან, ლამფა არ უნთიათ და ჩვენ ლუკმას ზურგჩანთით ვეზიდებით. შეძლეს, ჭიმღას ნასოფლარი დაარქვეს. პირდაპირ დუშმანის ხელში რჩება“...