يا مؤمن الريفي كلمات محمد بن فطيس المرّي أداء فلاح المسردي وظافر الحبابي

يا مؤمن الريفي أنا جيتك زبون
جيتك على مدح أكثر الناس وعنيت
جيت وتعالى الله عما يشركون
لولاه يا مؤمن لطبك ما اهتديت
راضي بحكم الله علي مهما يكون
عالج عيوني لو بعد طبك عميت
ودي أخاشر في البصر من يبصرون
وأشوف دربي لاسرحت ولا ضويت
وإلا قنصت أثبت مع اللي يثبتون
وأشوف طيري كل ما أوميت ودعيت
يا كثر ما يضرب خويي الطابلون
من كثرت ما أكلته مطبات وكليت
ودي أشوف اللي علي يعرّضون
وبعض الليالي ودي أسري دون ليت
وأشوف ناسٍ في القفا ما يرحمون
أما وقفت لصاحبي وإلا مشيت
من دون نظارة ولا هم يحزنون
يا كثر ما كسرت كشمات وشريت
لكن يا دكتور جعلك ما تهون
أبيك كلمة راس دامك ما بديت
اسمع ولا أبغى اللي وزانك يسمعون
ربي كتب يكشف لك أسراري وجيت
صورة عديل الروح عندك في العيون
وأخاف تقطعها بموسك ما وعيت
ولا عليك أمر اطوها تحت الجفون
وعقبه لو تقطع عيوني ما شكيت
هي راس مالي والعرب ما يدركون
إني على باب الممات ولا حكيت
يا قو قلبي يوم قفن الطعون
اللي على ذاك الموادع ما بكيت
ويا صبر صبري والعواذل يحسبون
إني دلهت من الهوى وإلا سليت
أسكت عساهم من سكاتي يسكتون
وأنا عن اللي في ضميري ما انتهيت
وأدور الفرحة مع اللي يسهرون
وإن ذكروني خذت فنجال وسريت
أخذت من وقتك يا دكتور العيون
عالج عيوني لو بعد طبك عميت
واستر علي واللي معك لا يفطنون
أنت الوحيد اللي بعد ربي دريت



يا مؤمن الريفي كلمات : محمد بن فطيس المرّي أداء: فلاح المسردي وظافر الحبابي



مونتاج
شبكة الشدادين الرسمية
www.shdadeen.com