“အမေကြီးအတွက်က ရူးစရာကြီးပါ”- သပြေပင်ရွာမှာ ဘာတွေဖြစ်ခဲ့လဲ

“အမေကြီးအတွက်က ရူးစရာကြီးပါ”- သပြေပင်ရွာမှာ ဘာတွေဖြစ်ခဲ့လဲ
…………….
နာမည်ကျော် ‘မိုးထိမိုးမိ’ ရွှေတွင်းကြီးတွေအနီး တည်ရှိတဲ့ မန္တလေးတိုင်း၊ ရမည်းသင်းမြို့နယ်၊ သပြေပင်ရွာဟာ ‘ရာဂီ’ တိုင်ဖွန်းမုန်တိုင်းအရှိန်ကြောင့် မိုးကြီး၊ ရေလျှံမှုမှာ အထိအနာဆုံးကျေးရွာတွေထဲက တစ်ရွာ ဖြစ်ပါတယ်။

ရှမ်းရိုးမအစပ် တောင်ခြေမှာတည်ရှိပြီး အိမ်ခြေ ၄၀၀လောက်ရှိတဲ့ သပြေပင်ရွာရဲ့ နေအိမ်အဆောက်အဦ ထက်ဝက်ကျော်ဟာ စက်တင်ဘာ ၁၀ရက်နေ့ညနဲ့ ၁၁ရက်နေ့မနက်အစောပိုင်းမှာ တောင်ကျရေတွေ၊ ရွှံ့နွံတွေနဲ့အတူ မျှောပါ၊ နစ်မြှုပ်သွားခဲ့ပါတယ်။

ဒီအဖြစ်အကြောင့် ရွာသူ၊ ရွာသား ၁၀၀ ကျော် ပျောက်ဆုံးသွားပြီး၊ ရုပ်အလောင်း ၂၀လောက်ကိုသာ ပြန်လည်ရှာဖွေနိုင်ခဲ့ပါတယ်။ ကျန်တဲ့ ပျောက်ဆုံးနေသူတွေဟာ သေဆုံးသွားကြပြီလို့ ရွာသူ၊ ရွာသားတွေက ယုံကြည်နေကြပါတယ်။

ဒေသခံတွေပြောပြတဲ့ ရင့်နင့်ဖွယ်အဖြစ်အပျက်ကို ဒီရုပ်သံမှာ ကြည့်ရှုနိုင်ပါတယ်။