Скачать или смотреть СУИС-ийн Театрын урлагийн сургуулийн "3.27" оюутны их наадам

1962 оноос хойш жил бүрийн 3-р сарын 27-ны өдрийг Дэлхийн театрын өдөр болгон Олон улсын театрын хүрээлэн, түүний гишүүд, театрын мэргэжилтнүүд, театрын сургуулиуд, театрт дурлагсад тэмдэглэсээр иржээ. Энэ өдрийг "театр" хэмээх урлагийн үнэ цэнэ, ач холбогдлыг үнэлж чаддаг хүн бүр тэмдэглэн өнгөрүүлдэг.

Энэхүү өдрийн хүрээнд Соёл урлагийн их сургуулийн Театрын урлагийн сургуулийн “Найруулах, жүжиглэх урлагийн тэнхим”-ээс санаачлан Оюутнуудын мэргэжлийн ур чадварыг дээшлүүлж, авьяас сонирхол, бүтээлч сэтгэлгээг хөгжүүлэх, мэргэжлүүдийн уялдаа холбоог сайжруулах зорилгоор мэргэжлийн урлагийн их, дээд сургуулийн оюутнуудын дунд “3.27” оюутны их наадмыг СУИС-ийн “Оюутан” театрт зохион байгуулдаг.