Скачать или смотреть თავდაცვის სამინისტროს დელეგაცია სამხედრო მრეწველობის ლიდერ კომპანიებში

ჩეხეთის რესპუბლიკაში ოფიციალური ვიზიტისას საქართველოს თავდაცვის მინისტრი თინათინ ხიდაშელი, ჩეხ კოლეგასთან შეხვედრამდე, სამხედრო მრეწველობაში მსოფლიოს რამდენიმე ლიდერი კომპანიის საქმიანობას გაეცნო.

ქალაქ პარდუბიცეში თინათინ ხიდაშელი, თავდაცვის მინისტრის პირველი მოადგილე დავით ებრალიძე, გენერალური შტაბის უფროსი, გენერალ-მაიორი ვახტანგ კაპანაძე და ქართული დელეგაციის სხვა წევრები ჩეხეთის საჰაერო ძალების სარდლის და სამხედრო მაღალჩინოსნების თანხლებით კომპანიებს - „LOM PRAHA“, „VR GROUP“ და “ERA” ესტუმრნენ. “ERA” მსოფლიოში სამხედრო წარმოების ერთ-ერთი ლიდერი კომპანიაა. მას მოგებული აქვს ტენდერი ნატოს წევრი ქვეყნების VERA NG რადარით მომარაგებაში და ისინი, სწორედ, ამ კომპანიის სახელწოდების თანამედროვე რადარებს იყენებენ. “ERA”-ს წარმომადგელებემა საქართველოს თავდაცვის სამინისტროს ხელმძღვანელებისთვის სპეციალური პრეზენტაცია გამართეს და რადიო ტექნიკური სადაზვერვო საშულებები და სარადარო სისტემები გააცნეს.
თავდაცვის სამინისტროს დელეგაციამ ჩეხეთის რესპუბლიკაში ვიზიტის პირველი ნაწილი, გუშინ პრაღაში, თვითმფრინავების მწარმოებელ კომპანია „AERO Vodochody“-ის დათვალიერებით დაასრულეს. კომპანიის წარმომადგენლებმა სტუმრებისთვის „AERO Vodochody“-ის საქმიანობის შესახებ სპეციალური პრეზენტაცია გამართეს.