Скачать или смотреть ក្រសួងមហាផ្ទៃ សូមចេញសេចក្តីថ្កោលទោសទាហានថៃ បានប្រើអំពើហឹង្សា និងចាប់រំលោភបូកពលការិនីខ្មែរ ចំណាកស្រុក

រាជរដ្ឋាភិបាលកម្ពុជា៖
ក្រសួងមហាផ្ទៃ សូមចេញសេចក្តីថ្កោលទោសកម្លាំងប្រដាប់អាវុធថៃ បានផ្ជង់កាំភ្លើងជំរិតទារប្រាក់ ប្រើអំពើហិង្សា និងចាប់រំលោភបូកពលការិនីខ្មែរ ។
ក្រសួងមហាផ្ទៃ នៃរាជរដ្ឋាភិបាលកម្ពុជា ប្រកាសថ្កោលទោសយ៉ាងធ្ងន់ធ្ងរបំផុត លើកម្លាំងប្រដាប់ អាវុធថ ដែលបានភា្ជង់កាំភ្លើងជំរិតទារប្រាក់ ប្រើអំពើហិង្សាលើពលករខ្មែរ ជាពិសេសក្រុមកម្លាំងប្រដាប់ អាវុធថៃយ៉ាងតិច៧នាក់ ដែលបានគំរាមដោយប្រដាប់អាវុធ បង្ខំបំបែកយុវតីរងគ្រោះ ចេញពីចំណោមក្រុម ពលករខ្មែរផ្សេងទៀត យកទៅក្នុងព្រៃព្រួតចាប់រំលោភបូកលើនាងយ៉ាងអសីលធម៌ កាលពីយប់ថ្ងៃទី១៥ ខែវិច្ឆិកា ឆ្នាំ២០២៥ ក្នុងគ្រាដែលក្រុមពលករខ្មែរ បម្រុងឆ្លងព្រំដែនពីខេត្តឈុនបុរីថៃ ចូលមកទឹកដីខេត្ត បាត់ដំបងរបស់កម្ពុជា។
អំពើក្នង់កាំភ្លើងជំរិតទារប្រាក់ ការប្រើអំពើហិង្សាលើក្រុមពលករខ្មែរ ជាពិសេស ការត្រួតចាប់ រំលោភបូកពីសំណាក់ក្រុមប្រដាប់អាវុធថៃលើយុវតីរងគ្រោះ គឺជាឧក្រិដ្ឋកម្មដ៏ស្មោកគ្រោក កាចសាហាវ ព្រៃផ្សៃ យង់ឃ្នង អមនុស្សធម៌ក្រៃលែង គ្មានភាពជាមនុស្ស គួរឱ្យស្អប់ខ្ពើមមិនអាចទទួលយកបាន ដែល នេះជាបទឧក្រិដ្ឋព្រហ្មទណ្ឌទូទៅ និងជាឧក្រិដ្ឋកម្មប្រឆាំងមនុស្សជាតិ ល្មើសទាំងច្បាប់ផ្ទៃក្នុងថៃខ្លួនឯង និងច្បាប់អន្តរជាតិពាក់ព័ន្ធ ជាអាទិ៍ ល្មើសនឹងច្បាប់ព្រហ្មទណ្ឌអន្តរជាតិ សេចក្តីប្រកាសជាសកលស្តីពីសិទ្ធិ មនុស្ស (ទីក្រុងប៉ារីស-ឆ្នាំ១៩៤៨) និងអនុសញ្ញាប្រឆាំងការធ្វើទារុណកម្ម (UN-ឆ្នាំ១៩៨៤)។ ជារួម អំពើដ៏លាមកនេះ បានរំលោភបំពានយ៉ាងធ្ងន់ធ្ងរលើសិទ្ធិមនុស្ស សិទ្ធិស្ត្រី សិទ្ធិពលករទេសន្តរប្រវេសន៍ ដែលបញ្ញត្តិដោយអនុសញ្ញាស្តីពីការលុបបំបាត់រាល់ទម្រង់ នៃការរើសអើងប្រឆាំងនឹងស្ត្រីភេទ(CEDAW) អង្គការអន្តរជាតិទេសន្តរប្រវេសន៍(IOM) សមាគមប្រជាជាតិអាស៊ីអាគ្នេយ៍ (ASEAN) និងក្របខ័ណ្ឌ ច្បាប់អង្គការសហប្រជាជាតិ(UN)។ល។
ក្រសួងមហាផ្ទៃ នៃរាជរដ្ឋាភិបាលកម្ពុជា ទាមទារឱ្យសមត្ថកិច្ចថៃ ចាត់វិធានការជាបន្ទាន់ ចាប់ខ្លួន ឧក្រិដ្ឋជនជាកម្លាំងប្រដាប់អាវុធថទាំង៧នាក់ និងជនពាក់ព័ន្ធ មកផ្តន្ទាទោសតាមច្បាប់។ ទន្ទឹមនឹងនេះ សូមទទូចសហគមន៍អន្តរជាតិពាក់ព័ន្ធ មេត្តាតាមដាន និងដាក់សម្ពាធលើភាគីថៃ ដើម្បីយុត្តិធម៌ពិត ប្រាកដរបស់មនុស្សជាតិ។ ជាមួយគ្នានេះ យើង ក៏អំពាវនាវដល់សាធារណៈជន កុំជឿលើការបំភ្លៃថាជា ព័ត៌មានមិនពិត ដែលបំភាន់ដោយក្រុមជ្រុលនិយមថៃ ដោយសូមចូលរួមជំរុញឱ្យរដ្ឋាភិបាលខ្លួន បង្ហាញ ការទទួលខុសត្រូវ ដើម្បីស្តារមុខមាត់ថៃ បង្ហាញសហគមន៍អន្តរជាតិថា ថៃពិតជាប្រទេសមួយដែលមាន ក្រមសីលធម៌ គោរពសិទ្ធិមនុស្ស និងជាប្រទេសដែលកំពុងរីកចម្រើន គួរឱ្យចង់រាប់អានយកជាមិត្តបាន។ ឆ្លៀតក្នុងឱកាសនេះដែរ ក្រសួងមហាផ្ទៃ នៃរាជរដ្ឋាភិបាលកម្ពុជា សូមអំពាវនាវប្រជាពលរដ្ឋខ្មែរ រួមទាំងប្រជាពលរដ្ឋជាពលករនៅប្រទេសថៃ ដែលមានបំណងវិលត្រឡប់ចូលមាតុប្រទេសវិញ សូមធ្វើ ដំណើរមកតាមច្រកទ្វារព្រំដែនផ្លូវការ និងសូមផ្ដល់ដំណឹងមកកាន់ក្រុមគ្រួសារ ឬទំនាក់ទំនងផ្តល់ព័ត៌មាន មកអាជ្ញាធរ មន្ត្រីប្រចាំការនៅតាមបណ្តាច្រកទ្វារព្រំដែន ដើម្បីចៀសវាងហានិភ័យ និងគ្រោះថ្នាក់ផ្សេងៗ ជាអាទិ៍ ដូចករណីខាងលើ៕
ថ្ងៃអង្គារ ១៣រោច ខែកត្តិក ឆ្នាំម្សាញ់ សប្ដស័ក ព.ស.២៥៦៩, ធ្វើនៅថ្ងៃទី១៨ ខែវិច្ឆិកា ឆ្នាំ២០២៥ ។
==================================
Thanks for confirm my videos, Please help me the mine for strange everyday for making News Videos and good walk on the road or street of news.
Please help me LIKE/SHARE/SUBSCRIBE my Channel than help you all back 100%. Thanks Before !
#DF_Everyday #Hot_News #Breaking_News