Gaz: "Putinga o'lguncha qaramlik"- Tarmoqlar Ozodlik surishtiruvi haqida

Озодликнинг Ўзбекистон нефть ва газ соҳасидаги аҳволга доир суриштирувидан 4 кун ўтиб, Ўзбекистон ҳукумати ушбу суриштирувнинг тармоқларни титратган хулосалари борасида сукут сақламоқда.

Озодлик суриштирувида келтирган ва Телеграмга юклаган 100 дан ортиқ махфий ва ярим махфий президент ва ҳукумат қарорлари, корпоратив ҳужжатлар Ўзбекистоннинг ўнлаб йирик газ конлари ва энергетика соҳасига жалб қилинган ўнлаб миллиард доллар маблағлар Газпром орқали Путин олигархларига боғланган шахслар ва ширкатларга берилганини ўртага чиқарган. Бу ҳужжатлар Озодлик бир йил давомида ўрганган минглаб саҳифалик ҳужжатларнинг кичик бир қисми, холос.

Суриштирув марказига қўйилган ҳужжатлардан бири президент Шавкат Мирзиёев бу келишувлар мамлакатнинг энергетик хавфсизлигига таҳдид солиши ҳақида бундан уч йил муқаддам огоҳлантирилганини тасдиқлайди.

Озодлик Ўзбекистон Энергетика вазирлиги, Ўзбекнефтгаз, Президент Администрацияси ва бошқа алоқадор идоралар ҳамда номлари келтирилган ширкатларга суриштирув эълон қилинишидан 10 кун олдин юборган саволлар ҳануз жавобсиз қолмоқда.

13 февраль куни тармоқларда Энергетика вазири Жўрабек Мирзамаҳмудов танланган бир неча блогер ва нашрлар журналистлари учун ёпиқ брифинг ўтказгани ва унда Озодлик суриштируви туғдирган саволларга жавоб бергани айтилган хабарлар пайдо бўлди.

Ушбу, тармоқларда “махфий” деб таърифланган брифинг тафсилоти ва тўлиқ видеоси ҳозирча жамоатчиликка ошкор қилингани йўқ.

13 февраль куни Озодлик расмийларга суриштирувдан олдин юборилган саволларни яна бир бор эслатди, аммо ҳозирча ҳукумат жамоатчиликни жунбушга келтирган мавзу юзасидан сукут сақлашда давом этмоқда.

Айни пайтда тармоқларда Озодлик суриштируви атрофидаги муҳокамалар тўхтамаётир.

🔴 https://t.me/ozodlikkanali kanaliga obuna bo'ling!

🔴 Bizga xabar yo'llash uchun 👉 @ozodnews

Ozodlikning O‘zbekiston neft va gaz sohasidagi ahvolga doir surishtiruvidan 4 kun o‘tib, O‘zbekiston hukumati ushbu surishtiruvning tarmoqlarni titratgan xulosalari borasida sukut saqlamoqda.

Ozodlik surishtiruvida keltirgan va Telegramga yuklagan 100 dan ortiq maxfiy va yarim maxfiy prezident va hukumat qarorlari, korporativ hujjatlar O‘zbekistonning o‘nlab yirik gaz konlari va energetika sohasiga jalb qilingan o‘nlab milliard dollar mablag‘lar Gazprom orqali Putin oligarxlariga bog‘langan shaxslar va shirkatlarga berilganini o‘rtaga chiqargan. Bu hujjatlar Ozodlik bir yil davomida o‘rgangan minglab sahifalik hujjatlarning kichik bir qismi, xolos.

Surishtiruv markaziga qo‘yilgan hujjatlardan biri prezident Shavkat Mirziyoyev bu kelishuvlar mamlakatning energetik xavfsizligiga tahdid solishi haqida bundan uch yil muqaddam ogohlantirilganini tasdiqlaydi.

Ozodlik O‘zbekiston Energetika vazirligi, O‘zbekneftgaz, Prezident Administratsiyasi va boshqa aloqador idoralar hamda nomlari keltirilgan shirkatlarga surishtiruv e’lon qilinishidan 10 kun oldin yuborgan savollar hanuz javobsiz qolmoqda.

13-fevral kuni tarmoqlarda Energetika vaziri Jo‘rabek Mirzamahmudov tanlangan bir necha bloger va nashrlar jurnalistlari uchun yopiq brifing o‘tkazgani va unda Ozodlik surishtiruvi tug‘dirgan savollarga javob bergani aytilgan xabarlar paydo bo‘ldi.

Ushbu, tarmoqlarda “maxfiy” deb ta’riflangan brifing tafsiloti va to‘liq videosi hozircha jamoatchilikka oshkor qilingani yo‘q.

13-fevral kuni Ozodlik rasmiylarga surishtiruvdan oldin yuborilgan savollarni yana bir bor eslatdi, ammo hozircha hukumat jamoatchilikni junbushga keltirgan mavzu yuzasidan sukut saqlashda davom etmoqda.

Ayni paytda tarmoqlarda Ozodlik surishtiruvi atrofidagi muhokamalar to‘xtamayotir.

Uzbek | Uzbekistan | Ozbekiston | Ozbek | Yangiliklar | Xabarlar | Mirziyoyev | Tezkor |

#ozodlik #surishtiruv #gaz #mirziyoyev #putin #kremlin #aziznur #gazprom