شيلة : فخر قحطان 🔥| ادا ء: ابن جرادان و جراب الحبابي | كلمات : محمد الحبابي | 🔥

اهداء الى خالد بن سلطان ابن قرمله القحطاني

كلمات : محمد الحبابي

ادا ء: ابن جرادان و جراب الحبابي

اسم الشيله : فخر قحطان
-

بدينا وبسم الله جذبنا قصيدٍ زين
من اعماق بحر الشعر ماهوب حيا الله

انا قد لي من الشعر ما ياتي اسبوعين
الى ابطيت انا عنّه بناء الضيق بي حله

اسوق القصيد الجزل فـ الي يشوق العين
لا جاء لـ المدايح باب انا ما اعتذر لله

سلامي على الي فـ. المواقف لزوم يبين
حمر عين طلق حجاج والمحكم يحله

الا يا سمو الفخر ومعرب الجدين
هذا انته فخر قحطان والمجد لك كله

الا يا ولد عود حما موطنه والدين
ابن قرمله. سلطان والنعم مثنٍ له

يا خالد زبون الطيب وقت القسى واللين
يا شيخٍ بعيد اشباح والعز نهجٍ له

انا شايفٍ ضلعٍ يعدي جبل قزوين
وهذا انت يا خالد. وعلمي على ادله

يا ضلعٍ زبنه الي يحده زمانٍ شين
ويزبنه من عاش الرخى ماهو بـ. قله


يا قاضي لوازيم الرجال ان نصو ملفين
على مجلسٍ فيه الكرم طبع وجبله

الابيات في مثلك تجي صفٍ وصفين
تهاوى على لساني من الفكر منهله

لو يقال كل الشعر ويصف من ذلحين
في مدحك تراه شوي ومقصر اي بالله

عسى الله يقديني دروب الهدى والزين
ويفتح لي ابواب الفرج والوفق كله

هذا والصلاة اختام لـ محمد الامين
شفيع امته في يوم ما تدمح الزله