တာကေးရုကို အနိုင်ထိုးပြီး မိဘတွေကို အိမ်ဆောက်ပေးချင်နေတဲ့ သန့်ဇင်

တာကေးရုကို အနိုင်ထိုးပြီး မိဘတွေကို အိမ်ဆောက်ပေးချင်နေတဲ့ သန့်ဇင်
------------------------------------
မြန်မာဖိုက်တာ သန့်ဇင် ဟာ တာကေးရုနဲ့ပွဲမှာ အနိုင်ထိုးနိုင်ဖို့ ရည်မှန်းနေပါတယ်။ အဲ့ဒီပွဲစဉ်မှာ အလဲထိုးနဲ့ အနိုင်ရလို့ ဘောနပ်စ်ပေးခဲ့မယ်ဆိုရင် သူ့မိဘတွေကို အိမ်ဆောက်ပေးချင်တဲ့ စိတ်ကူးဆန္ဒတွေလည်း သန့်ဇင်ဆီမှာ ရှိလို့နေပါတယ်။ တကယ်တော့ သန့်ဇင် ဟာ တိုင်ဆော်ဂျော်ပီးယက်ခ်နဲ့ပွဲမှာ အလဲထိုးနိုင်လိုက်တုန်းက ဘောနပ်စ်ရဖို့ကို မျှော်လင့်ထားခဲ့တာပါ။ ဒါပေမဲ့ ဘောနပ်စ် မရရှိခဲ့လို့ သူ့စိတ်ကူးအိပ်မက်လေး ပျက်ပြယ်သွားခဲ့ရပါတယ်။ ဒါကြောင့် ရှေ့လာမယ့်ပွဲစဉ်တွေကို အနိုင်ထိုးပြီး ဘောနပ်စ်ရတာနဲ့တပြိုင်နက် မိဘတွေအတွက် နေအိမ်လေးကို ပြုပြင်ဆောက်ပေးမယ်လို့ သန့်ဇင်က ပြောပြပါတယ်။ သန့်ဇင်ဟာ တာကေးရုကို အနိုင်ထိုးပြီး သူမျှော်လင့်ထားသလို ဘောနပ်စ်ရရှိခြင်းနဲ့အတူ မိဘတွေအတွက် နေအိမ်လေး ဆောက်ပေးနိုင်ပါစေလို့ ဆန္ဒပြုလိုက်ရပါတယ်။
#သန့်ဇင်
#မြန်မာဖိုက်တာ
#လက်ဝှေ့