Скачать или смотреть Ovarian Cancer(अंडाशय का कैंसर ) के क्या इलाज है? | Treatment Options| Dr Akta Bajaj

Jaise ki humne last video mein discuss kiya tha Ovarian Cancer yaani andashay cancer Bhartiya mahilaon mein third most common cancer hai, and overall world mein yeh fourth most common cancer hai, aur Indian women mein cancer se hone wali death ka main karan hai. Ovarian Cancer agar early stage, jaise ki Stage 1 mein diagnose ho jaaye toh Five-Year Survival Rate lagbhag 94% hota hai. Lekin dukh ki baat hai ki bahut hi kam cases, lagbhag 15% cases mein hi yeh early stages mein diagnose ho pata hai, aur mostly cases 62% cases Stage 3 ya Stage 4 mein hi diagnose ho paate hain, jahan par Survival Rate lagbhag 28% ke karib hi reh jaata hai.

Aaj is video mein hum Ovarian Cancer ya andashay cancer ke different treatment approaches ke baare mein baat karenge, jo ki pregnant mahilayen ya phir jo mahilayen pregnancy plan kar rahi hain un par impact deta hai. Saath hi batayenge ki aap Ovarian Cancer ke saath apni quality of life ko kaise improve kar sakte hain.mein.
** Ovarian Cancer ke different treatment options kya hain? **
1. Surgery ek primary treatment method hai, ise hum biopsy ke naam se bhi jaante hain jisme cancer aur uske affected tissues ko remove kiya jaata hai. Is tissue ka histopathology test kiya jaata hai jisse humein cancer ka type aur aggression level pata chal sakta hai. Agar cancer advance stage mein hai to total hysterectomy with bilateral salpingo-oophorectomy bhi kiya ja sakta hai jisme uterus, cervix dono taraf ke tubes aur ovaries ko remove kiya jaata hai, aur saath hi uske aas-pass ke affected tissues ko bhi remove kiya jaata hai.
2. Ab hum baat karenge chemotherapy ke baare mein. Chemotherapy mein powerful drugs ka use kiya jaata hai cancer cells ko destroy karne ke liye. Isko different routes se diya ja sakta hai, jaise oral route ya phir intravenous route, and intraperitoneal route.

3. Radiation therapy mein high energy rays ka use kiya jata hai cancer cells ko destroy karne ke liye. Radiation therapy ko specific cases mein hi use kiya jata hai, jaise ki jab cancer ka size bahut bada hota hai to preoperatively cancer size ko shrink karne ke liye use kiya ja sakta hai ya phir surgery ke baad agar cancer ke remnants hain to unko destroy karne ke liye bhi radiation therapy ka use kiya jata hai.
** Ab hum baat karenge targeted therapy ke baare mein. **
Targeted therapy mein specific molecules ko target kiya jata hai jo cancer cells ki growth ko support karte hain. Jaise ki PARP inhibiting hormone blocking drugs ka use kiya jata hai. To yeh the kuch primary treatment methods for ovarian cancer. Lekin yaad rakhe har case unique hota hai and har treatment plan individualised hota hai.
Ab hum baat karenge ki ovarian cancer ke different treatment methods pregnant women ya phir jo ladies pregnancy plan kar rahi hain un par kya impact deta hai.
Sabse pehle hum baat karenge ki ovarian cancer ke treatment ka fertility par kya impact hota hai. Ovarian cancer ke different treatment options jaise ki chemotherapy, radiotherapy, ya phir surgery fertility ko affect kar sakte hain. Chemotherapy aur surgeries se ovaries mein effect hota hai, egg aur estrogen ka production kam ho sakta hai. To agar aap future mein pregnancy plan karna chahti hain to aap apne doctor se fertility preservation options ke baare mein baat kar sakte hain. Egg freezing and embryo freezing options available hote hain jisse aap ovarian cancer treatment pura hone ke baad future mein pregnancy plan kar sakti hain.
To jab bhi aapka cancer treatment khatam hota hai to uske baad aap apne doctor se survivorship plan ke baare mein zaroor baat karein. Iske alawa patient support programs bhi hain jinki madad se aap diagnosis, treatment plan, and after treatment plan ki sahi jaankari le sakte hain. To aap apne doctor se patient support program ke baare mein zaroor discuss karein. To dosto, ovarian cancer ke saath sahi treatment aur ek positive approach ke saath aap apni quality of life ko improve kar sakte hain. Aap ismein akeli nahi hain, stay strong, stay positive, take care.

Thank you for Watching

Disclaimer: The information in this video was accurate as of the upload date, [18/12/2023]. This video is for educational purposes only. The content is in no way a substitute for medical advice. Always consult a medical professional for more information.

Subscribe to our channel for more videos and get an answer to your queries: http://bit.ly/Subscribe_1mg

Connect with us on:-

To consult a specialist doctor http://bit.ly/2PwD6QA
Facebook:   / 1mgofficial  
Visit our website at https://bit.ly/2Zvv7JX