Скачать или смотреть ကျနော်ပြောခဲ့တဲ့ မိန့်ခွန်းကို ပြန်ပြောခိုင်းပြီး နှိပ်စက်တာ (ရုပ်/သံ)

ဧရာဝတီ၊ ဇူလိုင် ၁၊ ၂၀၂၅

စစ်တပ်ရဲ့ ဖမ်းဆီးခြင်း ခံခဲ့ရပြီးတဲ့နောက် “ဗိုလ်မင်းအောင်လှိုင် ခင်ဗျားကြောက်နေပြီလား” လို့ လူထုဆန္ဒပြပွဲမှာ ပြောခဲ့တဲ့ မိန့်ခွန်းကို ပြန်ပြောခိုင်းပြီး စစ်ကြောရေးမှာ ရိုက်နှက်နှိပ်စက်ခြင်း ခံခဲ့ရတယ်လို့ ပြန်လည်လွတ်မြောက်လာတဲ့ ဗမာနိုင်ငံလုံး ဆိုင်ရာကျောင်းသားသမဂ္ဂများအဖွဲ့ချုပ် (ဗကသများအဖွဲ့ချုပ်) ရဲ့ ခေါင်းဆောင်တဦးဖြစ်တဲ့ ကိုဝေယံဖြိုးမိုး က ပြန်ပြောပြပါတယ်။

ကိုဝေယံဖြိုးမိုးဟာ ၂၀၂၁ ခုနှစ်မတ်လမှာ စစ်တပ်ရဲ့ ဖမ်းဆီးခံခဲ့ရပြီး ၂၀၂၅ ခုနှစ် ဧပြီလမှာတော့ လွတ်ရက်စေ့ အကျဉ်းသား အနေနဲ့ ပြန်လည်လွတ်မြောက်လာခဲ့တာ ဖြစ်ပါတယ်။ စစ်ကောင်စီက ရာဇသတ်ကြီး ဥပဒေပုဒ်မ ၅၀၅ (ခ)၊ ၅၀၅-က တို့်နဲ့ ၃ မှု၊ ငြိမ်းစုစီဥပဒေပုဒ်မ (၁၉) အတွက် ၂ မှုနဲ့ ထောင်ဒဏ် ၇ နှစ် ၂ လချမှတ်ခဲ့တာဖြစ်ပေမယ့် လျှော့ရက်တွေကြောင့် လွတ်မြောက်လာတာ လို့ဆိုပါတယ်။

လေးနှစ်ကျော်ကြာကာလအတွင်း အင်းစိန်ထောင်မှာ ၂ နှစ်ကျော် နဲ့ သာယာဝတီ အကျဉ်းထောင်မှာတော့ လွတ်မြောက်တဲ့အထိ အကျဉ်းကျခံခဲ့ရတာ ဖြစ်ပါတယ်။ လက်ရှိမှာတော့ လွတ်မြောက်ဒေသတခုကို ရောက်ရှိနေပြီး ဗကသများအဖွဲ့ချုပ်ရဲ့ အတွင်းရေးမှူး ၃ အနေနဲ့ တာဝန်ယူထားတယ်လို့သိရပါတယ်။

လေးနှစ်အတွင်း အကျဉ်းထောင်တွေမှာ ဖြစ်ပျက်ခဲ့တဲ့ ထောင်တွင်းနှိပ်စက်ညှင်းပန်းမှုတွေ နိုင်ငံရေး အကျဉ်းသားတွေရဲ့ ထောင်တွင်းဖြတ်သန်းမှုတွေနဲ့၊ အင်းစိန်ထောင်အတွင်း ဖြစ်ပျက်ခဲ့တဲ့ ကြိုးပေး သတ်ဖြတ်မှုတွေ အပါအဝင် ရှေ့ဆက်မယ့်တော်လှန်ရေးလုပ်ငန်းတွေနဲ့ ပတ်သက်လို့ ကိုဝေယံဖြိုးမိုးကို ဧရာဝတီက ဆက်သွယ်မေးမြန်းထားပါတယ်။

#မြန်မာ #ဧရာဝတီ #ဝေယံဖြိုးမိုး #ဗကသ #အကျဉ်းထောင် #WhathappensInMyanmar
စာဖတ်သူများ၏ ပံ့ပိုးမှုက ပြည်သူများ လိုအပ်နေသည့် အကောင်းဆုံး နှင့် အရည်အသွေးမီ သတင်းများကို ဖော်ပြစေနိုင်မည်။
Support The Irrawaddy: https://bit.ly/supporttheirrawaddy