Скачать или смотреть Qalaktikalarda olan Qızıl Nisbət

Bəhs etdiyimiz qızıl nisbət bitkilərdə, dəniz canlılarında və öz bədənimizdə olduğu qədər, kainatın dərinliklərində də qarşımıza çıxır.

Əslində astronomiya, astrofizika kimi elm sahələri ilə maraqlanan tədqiqatçılar kainatın mükəmməl ritmik nizam içində hərəkət etdiyini, quruluşunda mükəmməl bir planın olduğunu çox yaxşı bilirlər.

Məsələn müasir elmin və astronomiyanın atası Qaliley Allaha inanan dindar insan idi. Elm ilə məşğul olmaq və araşdırmalar etmək onu Allaha yaxınlaşmışdı. “Təbiət heç şübhəsiz, Allahın imtina edə bilməyəcəyimiz, oxunması lazım olan digər bir kitabıdır” deyən Qaliley, eyni zamanda bunu da ifadə etmişdi;

“Kainatın kitabı riyaziyyat dilində yazılmışdır; üçbucaqlar, dairələr və digər həndəsi fiqurlardan meydana gəlir."

Bu günə qədər, tarix boyunca saysız-hesabsız elm adamlarının ifadə etdiyi kimi, kainatdakı hər şey riyazi nizamla hərəkət edir. Həndəsi bir şəkil harada olursa olsun, mütləq müəyyən ölçülərə və hesablara əsaslanar. Bu da bizə, bu cür nizamın və hesabın olduğu üstün bir ağılın və dizaynın mövcudluğunu göstərir.

Eyni qaydalar qalaktikalar və planetlər üçün də keçərlidir. Planetlər “kürə” şəklindədir. Orbitlər isə elliptik formalıdır. Milyardlarla ulduzdan ibarət olan qalaktikaların “spiral” və “elliptik” şəklində olmaları, kainatdakı həndəsi nizamın çox təəccüblü nümunələrindən bəziləridir. Allahın yaratma sənətini burada açıq şəkildə görə bilərik.


Qalaktikalarda müşahidə edilən bərabər bucaqlı spiralşəkilli nizam

Qalaktikaların spiral formaları kainatda astronomların ən çox araşdırdıqları strukturların əvvəlində gəlir. Spiralşəkilli bir qalaktika həmişə öz ətrafında fırlanar və bu əsnada cazibə və mərkəzdənqaçma qüvvələri tarazlığını qoruyur. Bu tarazlıq sayəsində qalaktika öz oxu ətrafında fırlanarkən içində olan milyardlarla ulduz kosmosa atılmaz, əksinə nizamlı olaraq bir yerdə dayanır. Amma buradakı fırlanma bir avtomobilin təkərində olduğu kimi hər tərəfi eyni vaxtda fırlanmır. Qalaktikanın mərkəzi, kənarlarından daha sürətli fırlanır. Bunun nəticəsində də mərkəzdən xaricə doğru genişlənən spiralşəkilli bir forma meydana gəlir.

Qalaktikalardakı bu spiral formanı araşdıran elm adamları, əslində bu formaya bağlı olaraq çox həssas riyazi tarazlıqların olduğunu heyranlıqla fərq etmişlər.

Aparılan tədqiqatlarda Günəş sisteminin içində olduğu Süd Yolu qalaktikasının bərabər bucaqlı spiral forması ilə eyni həndəsi xüsusiyyətlərə sahib olduğu təsbit edilmişdir.


Spiral forma tarazlığı necə təmin edir?

Spiralşəkilli qalaktikaların fiziki qüvvələr arasındakı tarazlığı daha da heyrətvericidir. Bir qalaktika cazibə qüvvəsinin təsiri ilə kütlə mərkəzinə doğru sıxlaşaraq inkişaf edər. Mərkəz kütləsinin artması burada cazibə qüvvəsini artırdığından, qalaktikanın mərkəzdənqaçma qüvvəsi və cazibə qüvvəsini tarazlaşdıraraq daha sürətli fırlanmağa başlayacaqdır. Həmçinin mərkəzin daha sürətli fırlanması, kütlənin mərkəzdə sıxlaşmasına da mane olar. Bu səbəblə qalaktikadakı bütün sistemin tarazlıqda qala bilməsi üçün, qalaktikanın mərkəzindəki parçacıqları yavaşladıb, kənardakıları sürətləndirə bilən xüsusi bir mexanizmə ehtiyac vardır. Məhz bu mexanizm “bərabər bucaqlı spiral forma” ilə təmin edilir. Çünki bərabər bucaqlı spiral qollar belə bir funksiya üçün ən uyğun formadır.

Kainatın fəaliyyətində və dinamikasında bu nizam qalaktikaların fiziki sabitliyi üçün çox vacibdir. Bitkilərdə və dəniz dibində yaşayan canlıların qabıqlarında qızıl nisbətə bağlı olaraq ortaya çıxan bərabər bucaqlı spiralın kosmosun dərinliklərində mövcud olan bir çox qalaktikada da müşahidə edilməsi hamısının qüdrət sahibi olan Allah tərəfindən xüsusi olaraq yaradıldığını göstərir.