Kamran M. YuniS - Ölüm qoxusu

#kamranmyunis #kamranyunis #eminsabitoğlu #şeirlər
#poeziyateatrı #şiirler #sevgişeirləri #poeziya #cızmaqara

Kamran M. YuniS - Ölüm qoxusu...
Musiqi - "Poyraz Karayel" dizi

Mən nəfəs alan adamlar görmüşəm...
Nə aldığı nəfəsdən, nə verdiyindən xəbəri var.
Mən yeriyən adamlar görmüşəm...
Heç dörd də yox,
Durub iki yolun ayrıcında,
Hara, hansı yana gedəcəyini bilməyən.
Sanki, içinin şəhərində belə azıb qalıb.
Mən gözləri baxa-baxa görməyən
adamlar görmüşəm...
Rəhməlik nənəm demişkən “Baxar kor” olan
nə ağı görüb, nə qaranı,..
nə əvvəli olub, nə də sonrası.
Mən gecələr yata bilməyib,
Sabahlar gözləri yaşlı oyanan adamlar görmüşəm...
Ona elə gəlib ki, yaşayır...
Mən o qədər belə adamlar görmüşəm ki...
Hamısı da, hər dəfə güzgünün yanından
O yan, bu yana keçəndə...
Inan ki, heç üzümü çevirib baxmamışam da o adama...
Məni görəndə utanmasın deyə...
Çünki, adamın özünün özündən utanması dəhşət olur...
Həm də çooox dəhşət...
Hə, bir də...
Mən özü-özünü hər gün misqal-misqal öldürən adam görmüşəm...
Bir də o adamın gülən gözlərinin laaaap dərinində
Cırığ-cırığ ömrünü görmüşəm...
Görmüşəm dostum, görmüşəm... həm də çox, laaaap çox.