Bahjat Yahya - Dleky spy

© Copyright ‪@BahjatYahya‬

هۆنراوە و ئاوازی بەهجەت یەحیا
موزیک : ڕزگار حەمە ڕەئووف

دڵێکی سپی

ووتیان وا خەریکە تەمەن بەیانی پیری دەرئەکا
ووتم نەخێر ئەو سپێتیە ڕەنگی دڵمە وا سەر ئەکا
تووخوا پێم مەڵێن بیگۆڕە و ئەم ڕەنگە سپیەت لێ نایە
هەر تاڵەی لاپەڕەیەکە و دنیایە چیرۆکی تیایە

ناخم وەک چلەی هاوینە تەنها قژم وەک زستانە
ڕەنگی بەفر عەیبی چیە خۆمن هێشتا دڵم جوانە
سەیرم لێدێ گەرمیی سینەم ئەو بەفرە ناتوێنێتەوە
ڕەنگی بە ناحەق براوم لە زەمەن ناسێنێتەوە

کوا سپی مانای پیریە کەس نەیکا بە دەنگ و باسێ
ئەوەی ژیربێ خۆی تێدەگا کە ئەوین تەمەن ناناسێ
هەرچۆنێ بم هەر خەم خۆر و هەر هاوڕێکەی هەمووتانم
تەنها وێنەکەم گۆڕاوە هەر ئاشقەکەی جارانم

Composer: Bahjat Yahya

  / bahjatyahyaofficial