Скачать или смотреть അമൂല്‍ - പ്രതിഷേധാഗ്നിയില്‍ പിറന്ന കര്‍ഷകരുടെ സ്വന്തം ബ്രാന്‍ഡ്

ഒരു കോര്‍പ്പറേറ്റ് ഓഫീസിലോ, വ്യവസായ സമുച്ചയത്തിലോ അല്ല ഈ ബ്രാന്‍ഡിന്റെ പിറവി, ഒരു ഗ്രാമത്തിലാണ്. സ്വാതന്ത്ര്യ സമരത്തില്‍ നിന്നും പ്രചോദനമുള്‍ക്കൊണ്ട് സാധാരണക്കാരെ ചൂഷണം ചെയ്യുന്നതിനെതിരെ നടത്തിയ പ്രക്ഷോഭമാണ് അമൂല്‍ എന്ന ബ്രാന്‍ഡിന് തുടക്കമായത്. പാല്‍ ആയിരുന്നു ഈ പ്രതിഷേധത്തിന്റെ പ്രതീകം. അതെ, ധവള വിപ്ലവത്തിന് തുടക്കമായത് ഒരു കൂട്ടം കര്‍ഷകരുടെ രോഷാഗ്നിയില്‍ നിന്നായിരുന്നു.

1940-കളില്‍ ഗുജറാത്തിലെ ഒരുകൂട്ടം ക്ഷീര കര്‍ഷകരെ ഇടനിലക്കാരും സ്വകാര്യ വ്യാപാരികളും വലിയ രീതിയില്‍ മുതലെടുത്തു. തീരെ കുറഞ്ഞ വിലയ്ക്ക് പാല്‍ വില്‍ക്കാന്‍ അവര്‍ നിര്‍ബന്ധിതരായി. കഷ്ടപ്പാട് കര്‍ഷകര്‍ക്ക് പക്ഷേ, ലാഭം മറ്റാരുടെയോ കയ്യില്‍.

1946-ല്‍ ആനന്ദിലെ കര്‍ഷകര്‍ ഇനിയിത് അനുവദിക്കാനാകില്ലെന്ന് തീരുമാനിച്ചു. അവര്‍ ഒരു സഹകരണ സംഘം രൂപീകരിച്ചു. എല്ലാ കര്‍ഷകരും അതില്‍ ഉടമകളായി മാറി. ലാഭം നേരിട്ട് കര്‍ഷകരുടെ കയ്യിലേക്ക് എത്താന്‍ തുടങ്ങി. പിന്നീട് ആ പ്രതിഷേധം അമൂല്‍-ആനന്ദ് ക്ഷീരസംഘം ലിമിറ്റഡ് ആയി വളര്‍ന്നു. അമൂല്‍ എന്ന ഇന്ത്യയൊട്ടാകെ പടര്‍ന്നുപന്തലിച്ച ബ്രാന്‍ഡ് ഉണ്ടാക്കിയത് ബിസിനസുകാരായിരുന്നില്ല, ക്ഷീരകര്‍ഷകരായിരുന്നു.

വര്‍ഗ്ഗീസ് കുര്യനെ പോലെയുള്ള ദാര്‍ശനികര്‍ക്ക് കീഴില്‍ അമൂല്‍ രാജ്യത്തെ ധവള വിപ്ലവത്തിന് തുടക്കമിട്ടു. ലോകത്തിലെ തന്നെ ഏറ്റവും വലിയ ക്ഷീരോല്‍പ്പാദക രാജ്യമായി ഇന്ത്യ വളര്‍ന്നു. ഗ്രാമങ്ങളിലൂടനീളം അവരുടെ ശൃംഖല രൂപീകൃതമായി. ദശലക്ഷക്കണക്കിന് കര്‍ഷകര്‍ക്ക് ക്ഷീരോല്‍പ്പാദനത്തിലൂടെ മികച്ച വരുമാനം ലഭിച്ചുതുടങ്ങി. മുപ്പത് ലക്ഷത്തിലധികം കര്‍ഷകരാണ് അമൂലിന്റെ ഉടമകള്‍.

ബ്രാന്‍ഡിംഗിലും അമൂല്‍ വേറിട്ടുനിന്നു. അമൂല്‍ഗേളിനെ അറിയാത്തവരുണ്ടാകില്ല, അട്ടേര്‍ളി ബട്ടേര്‍ളി ഡിലീഷ്യസ് എന്ന പരസ്യവാചകവും ആളുകളുടെ മനസ്സിലുറച്ചു. അമൂല്‍ കേവലമൊരു ബ്രാന്‍ഡ് അല്ല, അതൊരു മുന്നേറ്റമായിരുന്നു, വളര്‍ച്ച പങ്കിടുമ്പോഴാണ് ശരിയായ സമ്പത്ത് സൃഷ്ടിക്കപ്പെടുകയെന്നതിന്റെ ഉദാഹരണമായിരുന്നു. ലാഭവും സമൂഹവും ഒന്നിച്ച് വളരുമെന്ന തിരിച്ചറിവായിരുന്നു.

Born out of protest and powered by farmers, Amul did not emerge from a corporate office but from a village in Gujarat. What began in 1946 as a farmers’ movement against exploitation grew into India’s White Revolution, transforming the country into the world’s largest milk producer. Owned by millions of dairy farmers, Amul stands as a powerful example of shared growth, cooperative strength, and business with purpose.

#Amul #WhiteRevolution #FarmerOwned #CooperativeModel #InspiringBrand #IndianBusiness #BrandStory #RuralEmpowerment #MadeInIndia #BusinessWithPurpose