سيدي أحمد اللي متصرف - مجموعة ليزيرق - مدح التجاني

بســـم الله الرحــمن الرحيــم
سيــدي أحــمــد اللــي مـصـــــرف هـــو الممد ومن غيره مانعرف حـــد
1- حبه يزيني تو انادي عليه يجيني في الدنيا غانيني مانحتاج لـشيء نــوده
في لآخره مرضيني حبيب في الجنة مخلد
2- راهو موانسني يناظر فيا ومسايسني حـبه حارسني نجي نعثر في ذراعه نشد
وحــلـت يخلصني هـو لبــا وانـا الولـد
3- راهـو مدللني هذا علاش عليه نغنـــي بالحب امحني عليه نطبــع في القول نقد
في المدح نفرنــــي ونوزع في كل بلد
4- في المدح نصب نبع مثل نهـــار لعب من كون الرب نقاني من راسي ونجبـــد
عــلـى القطــب اذا سال عن راسه الرد

5- انشدني انقلك كانك حق حبيب ندلك شاهي تتســلك تتنــظف من كل صـــــــدد
ربي يقبلك الذنب لدرتــه يغفــرهـلك العقيـــدة تســلك اتــك عـالشيــخ استعمــــد

6- صفي العقيدة خليها بـلار جــديـدة ديـر يدك في ايده تهنـى ريـــــح وارقـــــد
تنال المفيدة صورها بحوايج فريـــده هــي العقيــدة كأنــــك طـول عمرك تعبــد

7- لا تحصلها ساير بيها مع مفصلها واش يقول لها عـــالشيخ تاخـــذ بالجــــــد
لمــا يخلخلهـا لا يقدر واحد يختلهــــا شيــــخ مقابلهــــا راسه قــد جبل أحــــــد

8- لا نعرف عربي لارومي لامبغض ربي مـــن مـربــي أمــي والبابـــا والجـــــد
مليان معبـي مكيل بالحب مزنــــد

9- بالحب مكيل فوق أرضي نحرث ونميل في البر مصيل عشرة دركتولات جـدد
في المدح نهيل لا نغلط عمري لا نعيـــل والصوت قليل وكلامـــي معنــاه قـــدد

10 - وكلامي باين لقلته في الطريقة كايـن اللي حب يعاين كان شاهي وحده يوجـد
يلقى لملاين كان حب يعبــي لكمـــاين لا يهــون هايــن عالأعمى قلبــه جـــاحد

11- نمدح ونلالي ونبرح بالصوت العالي عالقطب الوالي عليه ديما انــادي ونــرد
نطبع في اقوالي مضرور وكثر هبالي مــاشي طوالي مانوليشي التالــي نصـــد
12- لاموني عنه مدحه ياسـر عندي منـــه طيب ما بنــه حلو المطعم مثـــل شــهـــد
نوار الجنة ريتــه يرجـــع منـــا ومنـــا بالحــان الزرنة وســـط الحورية تـــرشـد

13 - والشيخ واحبابه فاتح عنهم ربي بابه لايشوفوا عذابه ولايخشوا في نهار حسابـه
النــار اللهـــابــة للمبغـض واللي مــرتـــد

14- ختمت أوزاني صلوا عالنبي التهامــي ريتـه فــي منامي عرفنـي بـروحه لمجــــد
صلاتي وصيامي تسبيحي شعري ونظامي اتعـدى قدامــي لـغريسي حذاكم قــاعــــد

تمت وبالخير عمت لسيدي الحبيب لغريسي رضي الله عنه