Скачать или смотреть அய்யனார் கோவில் கும்பாபிஷேகம் | திருச்சியில் |Trichy malaikottai ayyanar temple kumbabishekam |

#trichy
#aanmeegam
#ayyanar

திருச்சி - 15.09.2024


திருச்சி மலைக்கோட்டை தாயுமானசுவாமி திருக்கோவிலின் உப கோவிலானதும், மலைக்கோட்டையின் காவல்தெய்வமாக விளங்கும் அருள்மிகு பூர்ணபுஷ்கலா உடனுறை அருள்மிகு அய்யனார் கன்னிமார் திருக்கோவில் மகா கும்பாபிஷேகம் - திரளான பக்தர்கள் தரிசனம்

தென் கயிலாயம் என போற்றப்படும் மலைக்கோட்டை அருள்மிகு தாயுமான சுவாமி திருக்கோவிலின் ஈசான பாகத்தில் எழுந்தருளியுள்ளதும், தாயுமான சுவாமி திருக்கோவிலின் உபகோவிலாக விளங்கும் அருள்மிகு பூர்ணபுஷ்கலா உடனுறை அருள்மிகு அய்யனார் கன்னிமார் திருக்கோவில் ஜீர்ணோதாரண அஷ்டபந்தன மஹாகும்பாபிஷேகம் இன்று விமர்சையாக நடைபெற்றது.

தருமபுர ஆதீன மௌனமடகட்டளை மற்றும் ஸ்ரீதாயுமான உழவார திருப்பணி மன்றம் உபயதாரர்களால் திருப்பணி மேற்கொள்ளப்பட்டு, கடந்த 13 ஆம் தேதியன்று விக்னேஸ்வர பூஜை, வாஸ்துசாந்தியுடன் யாகசாலை பூஜைகள் தொடங்கியது.

இன்றைய தினம் நான்காம்கால யாகசாலை பூஜைகள் பூர்ணாஹூதியுடன் நிறைவுபெற்று, யாகசாலையில் வைத்து பூஜிக்கப்பட்ட புனிதநீர் அடங்கிய கடன்கள் ஊர்வலமாக எடுத்துவரப்பட்டு பின்னர் வேதமந்திரங்கள் முழங்க பூரணபுஷ்கலா சமேத அய்யயனார் சுவாமிக்கும் கன்னிமார்களுக்கும் மற்றும் பரிவார மூர்த்திகளின் கலசங்களுக்கும், மூலஸ்தான தெய்வங்களுக்கும் புனிதநீர் ஊற்றப்பட்டு மகா கும்பாபிஷேகம் நடைபெற்றது.

தருமைஆதீனம் ஸ்ரீலஸ்ரீ குரு மகாசன்னிதானம் தலைமையில், கோவில் உதவி ஆணையர் அனிதா முன்னிலையில் 28 ஆண்டுகளுக்குப் பிறகு நடைபெற்ற கும்பாபிஷேக நிகழ்வினை திரளான பக்தர்கள் தரிசனம் செய்தனர்.