Скачать или смотреть વલસાડમાં ધમકીભર્યા ઈમેલ દ્વારા બો/મ્બની ધમકી: પાસપોર્ટ ઓફિસને ઉડાવી દેવાની ધમકી મળતા તંત્રમાં દોડધામ

વલસાડમાં ફરી બોમ્બની ધમકી: પાસપોર્ટ ઓફિસને ઉડાવી દેવાની ધમકી મળતા આખું પોલીસ તંત્રમાં દોડધામ,પોસ્ટ ઓફીસ ખાલી કરાવી


વલસાડ જિલ્લામાં ફરી એકવાર બોમ્બથી ઉડાવી દેવાની ધમકી મળતા સમગ્ર શહેરમાં ચકચાર મચી જવા પામી છે. પ્રાપ્ત વિગતો અનુસાર, વલસાડ પાસપોર્ટ ઓફિસને બોમ્બથી ઉડાવી દેવાની ધમકી આપવામાં આવી છે, જેના પગલે પોલીસ તંત્ર એલર્ટ મોડ પર આવી ગયું છે.

જાણવા મળ્યા મુજબ, સુરત પાસપોર્ટ ઓફિસને એક અજ્ઞાત ઈમેલ કરવામાં આવ્યો હતો, જેમાં વલસાડ પાસપોર્ટ ઓફિસને ટાર્ગેટ કરીને બોમ્બ બ્લાસ્ટથી ઉડાવી દેવાની ધમકી આપવામાં આવી હતી. આ ગંભીર ધમકીભર્યા ઈમેલની જાણ તાત્કાલિક વલસાડ જિલ્લા પોલીસને કરવામાં આવી હતી.

ઘટનાની જાણ થતાં જ વલસાડ પોલીસ તંત્રમાં દોડધામ મચી ગઈ હતી. સુરક્ષાના ભાગરૂપે અને કોઈ મોટી જાનહાનિ ટાળવા માટે પોલીસે સમયસૂચકતા વાપરીને વલસાડ પાસપોર્ટ ઓફિસને તાત્કાલિક ધોરણે ખાલી કરાવી દીધી હતી. હાલમાં પાસપોર્ટ ઓફિસ ખાતે પોલીસની વિવિધ ટીમોનો મોટો કાફલો પહોંચી ગયો છે અને સમગ્ર વિસ્તારને કોર્ડન કરી લેવામાં આવ્યો છે.

પોલીસ દ્વારા ડોગ સ્ક્વોડ અને બોમ્બ ડિસ્પોઝલ સ્ક્વોડની મદદથી બિલ્ડીંગમાં સઘન ચેકિંગ હાથ ધરવામાં આવ્યું છે. આ ધમકીભર્યો ઈમેલ કોણે અને કયા ઇરાદાથી કર્યો છે, તે દિશામાં સાયબર ક્રાઇમ અને સ્થાનિક પોલીસ દ્વારા વધુ તપાસ શરૂ કરવામાં આવી છે.