Скачать или смотреть KARAKOL 2024 @ Mercedes Camarines Norte

KARAKOL O PROSESYON NG MGA BANKA HINGGIL SA KA-FIESTAHAN NG BAYAN NG MERCEDES MAAYOS AT PAYAPANG NAISAGAWA

Walang naiulat na nasaktan o nadisgrasyang banka kaugnay ng pagdiriwang ng KARAKOL ito ay ang taunang prosesyon sa dagat ng maliliit at malalaking banka sakay ang mga Santo at Santa sa Poblacion ng Mercedes, Camarines Norte na nagdiriwang ngayon ng Kapyestahan ni San Antonio De Padua ang kanilang Patron.

Sa tulong ng pinagsanib na pwersa ng mga awtoridad mula PNP, Maritime Command at Philippine Coast Guard kasama ang ilang mga volunteers mula sa Kabalikat Bikol at Kabalikat Charity ay maayos na napangasiwan ng mga ito ang mahigit sa 300 na mga banka na sumali sa Prosesyon sa Dagat.

Mabilis na napapaalis ng mga Coast Guard personnel na sakay ng Jetski, Rubber Boat at mga Speed Boat katulong ang mga operatiba ng Bantay Dagat ang mga pasaway na mga maliliit na banka na sumisingit at nakikipaggitgitan sa malalaking banka na syang sanhi ng disgrasya noong mga nakaraang Karakol.

Nagdaus ng Banal na Misa si Fr. Francusco R. Gan Jr. sa mismong pandawan ng Mercedes bilang pasasalamat sa lahat ng biyayang tinatamasa ng mga Mercedenio sa malawak na karagatan.

May tatlumpong malalaking Banka din ang sumali sa pagandahan ng dekorasyon na ang mananalo ay may premyong Php 25,000.00, sa unang pwesto, 20,000.00 naman sa ikalawa at 15,000.00 sa ikatlo. Samantalang hiwalay naman ang premyo sa maliliit na banka na sumali sa pagandahan ng dekorasyon at ang mananalo ay tatanggap ng Php 7,000.00, 5,000.00 at 3,000.00 ang premyo ayon sa pagkakasunod sunod na pinangasiwaan naman ito ni Mrs Edna Undazan ng Municipal Tourism Development Operation Center at ang premyo ay buhat naman sa Lokal na Pamahalaan ng Mercedes.