Скачать или смотреть Ni Songo di vhambedza na vha shango: Lunako lwa mufumakadzi lwa nga nnda

Mulalo na tshilidzi tsha mune washu nga zwi ande kha vhathu vhothe. Ri khou isa phanda na mafhungo a lunwalo lwa vha roma 12 verese 2, ya uri ni songo di vhambedza na vha shango lino. Afha ri khou lavhelesa tshinwe tsha tshipida tshine ro fhuriwa nga marena a lino shango ra fhedza ri tshi vho tevhedza maitele eneo. Fhungo lo lavhelesa lunako lwa mufumakadzi lwa nga nnda, zwine zwa ita uri vhathu vha swike kha tshipida tsha u di shandukisa na tshivhumbe na mbonalo (u engedza madamu, na zwa u dzula, na u fhisa lukanda) na u tshimbila vha songo ambara nga nthani ha uri ndi zwone zwine ro fhuriwa uri ndi lwone lunako. Ri khou fhedza ri khou wela kha hetsho tshikwekwe zwine masiandaitwa a hone a khou konda. Ri wana u si tsha kona u fhambanyisa vhukati ha vhathu vha shango na vhane vha ri vha a tenda. Vha tshi toda u vhona haya mafhungo, kha vha lavhelese zwiambaro zwine zwa khou rungiwa namusi mashophoni, ndi hone zwi tshi do vhonala uri vhavhusi vha lino shango vha mushumoni.
Maitele a u sa ambara lu thonifheaho kana u shandukisa mbonalo asi zwone zwi talusaho lunako lwa mufumakadzi, hayo maitele ndi one o shumiswaho u wisa lushaka lwa Yisrael musi Biliamu a tshi nea Balaka maele.
Mafhungo manzhi a do pfala henefha kha heyi Video, Elohim nga a ri farise.
Shalom.