ماهدى البال في ليل تهادى نسيمه - خالد ال بريك | ( جديد ) 2024

ليلة البارح على صدري صواريم الطواري

كلمات :
علوش بن محيا
اداء :
خالد ال بريك



ليلة البارح على صدري صواريم الطواري
ضربها خلاني ابعد عن زحامات المدينه
يانفود السر سرتني وانا اللي جيت ساري
حاجتن في خاطري والخاطر المولى يعينه
فالعروق الحمر بلحالي عن الجو الحظاري
راحة الخاطر عن الازعاج لحظات السكينه
في علون مرتفع لا بارك الله فالمذاري
في ضميري علم والواهس عسا الله مايهينه
شاعرن مبعد عن الساحه وعايف ومتواري
ما اعترف فاهل الغزل والحب وعيون الحزينه
حافظه حفظ الامانه مثل ما احفظ اعتباري
لين صفيته مثل صف الذهب وسط الخزينه
واجب الطيّب على الطيّب مثل نهج البخاري
حافظينه والوفا منا وفينا حافظينه
شان قطمان المحازم يوم ثارات المثاري
مايجوز العذر عنّه بالمعاذير السمينه
سربتن تاريخهم فالمجد بالافعال ضاري
عدّهم فعلن ينومسهم وطيبن كاسبينه
قبل لا ياتي ختوم الشيخ والجيب السفاري
والعصيمي يورد الهيّاب ويفك الرهينه
عقب عيد الحج جا للعيد تبشير ومواري
مرحبا يامرحبا والعود الازرق سايقينه
جعله مبارك زواجك يامحمد وانت داري
من يقدّم فالثمينه حقّه سياق الثمينه
ركن من ضاقت عليه من اللزوم الاظطراري
لين ياصلهم ويبشر والسعد من قدم عينه
ياعيال اللي رحل ماله مع الطاله مجاري
عيد بن عياد رمز ويرحم الله والدينه
والهقاوي في عيال العود ماترجع عواري
نهجهم منهاجه العاطر وميقافه ودينه

..
للتواصل والاستفسارات :
الحسابات الرسمية لـ منصة بصمة الابداع .

‏Official Whatsapp :
الرابط محادثة الواتساب المباشر :
https://wa.me/message/4GKUGHJQFDZTC1
+966562778026


‏Official Snapchat :
  / a_thane2  

‏Official Twitter :
  / a_thane2  

‏Official Instagram :
  / a_thane2  

ـــــــــــــــــــ