Скачать или смотреть អភិបាលរងខេត្តកំពង់ធំ ជំរុញអាជ្ញាធរពាក់ព័ន្ធក្នុងការអនុវត្តការងារសេវាសង្គមឲ្យកាន់តែរឹងមាំ, 426-240626

អភិបាលរងខេត្តកំពង់ធំ ជំរុញអាជ្ញាធរពាក់ព័ន្ធក្នុងការអនុវត្តការងារសេវាសង្គមឲ្យកាន់តែរឹងមាំ និងឆ្លើយតបទៅនឹងតម្រូវការបច្ចុប្បន្នរបស់ប្រជាពលរដ្ឋមូលដ្ឋាន

(កំពង់ធំ)៖លោកជំទាវ លំ គន្ធារី អភិបាលរងខេត្តកំពង់ធំជំរុញអាជ្ញាធរពាក់ព័ន្ធក្នុងការអនុវត្តការងារសេវាសង្គមឲ្យកាន់តែរឹងមាំ និងឆ្លើយតបទៅនឹងតម្រូវការបច្ចុប្បន្នរបស់ប្រជាពលរដ្ឋមូលដ្ឋាន ក្នុងពិធីបើកវគ្គបណ្ដុះបណ្ដាលស្ដីពីការពង្រឹងសមត្ថភាពដល់គណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) និងគណៈកម្មាធិការទទួលបន្ទុកកិច្ចការនារី និងកុមារ (គ.ក.ន.ក) ថ្ងៃទី២៤ ខែមិថុនា ឆ្នាំ២០២៥ នៅសាលាខេត្តកំពង់ធំ ។

កម្មវិធីនេះមានការអញ្ជើញចូលរួមពីលោកជំទាវ សៀង លី សមាជិកក្រុមប្រឹក្សាខេត្ត លោកជំទាវ ហុក ផល្លី លោក គៀង សេងគី ប្រធានសមាគមក្រុមប្រឹក្សាថ្នាក់មូលដ្ឋានខេត្ត លោក លោកស្រី ជាក្រុមប្រឹក្សាក្រុង ស្រុក ឃុំ សង្កាត់ មន្ត្រីពាក់ព័ន្ធប្រមាណជិត ៤០០ នាក់ ដែលប្រព្រឹត្តទៅនៅថ្ងៃទី ២៤-២៥ ខែ មិថុនា ឆ្នាំ២០២៥ សហការរៀបចំពីគណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) ខេត្ត ក្រុមប្រឹក្សាថ្នាក់មូលដ្ឋានខេត្តកំពង់ធំ។

លោក គៀង សេងគី ប្រធានសមាគមក្រុមប្រឹក្សាថ្នាក់មូលដ្ឋានខេត្ត បានលើកឡើងថាវគ្គបណ្ដុះបណ្ដាលនេះអាចបង្កើនការយល់ដឹងអំពីសូចនាកររបស់បញ្ហាសេវាសង្គម គាំទ្រ និងលើកទឹកចិត្តដល់អ្នកចូលរួមចេះរៀបចំផែនការសកម្មភាព និងប្រើប្រាស់ថវិកាសេវាសង្គមឲ្យចំគោលដៅមានប្រសិទ្ធភាព ព្រមទាំងមានសមត្ថភាព រៀបចំលើការគ្រោងផែនការសកម្មភាព និងថវិកាឃុំ សង្កាត់ ។

លោកបន្តថាអាចកំណត់ប្រមូលបញ្ហាសេវាសង្គម តាមរយៈផែនទីសេវាសង្គម ដើម្បីដាក់បញ្ចូលទៅក្នុងផែនការ អភិវឌ្ឍន៍ និងកម្មវិធីវិនិយោគបីឆ្នាំរំកិលឃុំ សង្កាត់និងអាចបង្កើនការយល់ដឹងដល់អ្នកចូលរួមពីរបៀបនៃការកំណត់បញ្ហា តាមរយៈផែនទីសេវាសង្គមភូមិ និង ការរៀបចំតារាងវិភាគបញ្ហា តម្រូវការ និងដំណោះស្រាយដោយសមស្របសម្រាប់សេវាសង្គម។

ថ្លែងក្នុងឪកាសនោះលោកជំទាវ លំ គន្ធារី បានបញ្ជាក់ថាការបើកវគ្គបណ្ដុះបណ្ដាលស្ដីពីការពង្រឹងសមត្ថភាពដល់គណៈកម្មការធិការពិគ្រោះយោបល់កិច្ចការស្ត្រីនិងកុមារក្នុងគោលបំណងលើកកម្ពស់ចំណេះដឹងនិងសមត្ថភាពរបស់គណៈកម្មាធិការពិគ្រោះយោបល់កិច្ចការស្ត្រី និងកុមារ (គ.ក.ស.ក) ខេត្ត ក្រុង ស្រុក ឃុំ សង្កាត់ និងសមាសភាពពាក់ព័ន្ធក្នុងការអនុវត្តការងារសេវាសង្គមឱ្យកាន់តែរឹងមាំនិងឆ្លើយតបទៅនឹងតម្រូវការបច្ចុប្បន្នរបស់ប្រជាពលរដ្ឋនៅមូលដ្ឋានឲ្យកាន់តែមានភាពល្អប្រសើរឡើង ។

លោកជំទាវបន្តថាដើម្បីបំពេញបេសកកម្មការពារនិងជំរុញសិទ្ធិរបស់ស្ត្រីកុមារនិងក្រុមបុគ្គលងាយរងគ្រោះដោយផ្ដោតលើការផ្ដល់សេវាសាធារណៈយ៉ាងសកម្មឲ្យរឹងរឹតតែមានគុណភាព គុណផលប្រកបដោយពេញចិត្តរបស់បងប្អូនប្រជាពលរដ្ឋក្នុងនោះយើងត្រូវយល់ដឹងអំពីសាវតា លិខិតបទដ្ឋានពាក់ព័ន្ធនិងសមាសភាពរបស់គណៈកម្មាធិការពិគ្រោះយោបល់កិច្ចការស្ត្រី និងកុមារ(គ.ក.ស.ក) និងគណៈកម្មាធិការទទួលបន្ទុកកិច្ចការនារី និងកុមារ (គ.ក.ន.ក)។

លោកជំទាវបានបន្ថែមថាវគ្គបណ្តុះបណ្តាលនេះមានមេរៀនអំពី បច្ចេកទេស និងជំនាញក្នុងការផ្តល់សេវាសង្គម, ករណីអនុវត្ត និងការចែករំលែកបទពិសោធន៍ពិត, ការគ្រប់គ្រង ការចាត់តាំង និងការកំណត់មុខសញ្ញាចំណាយ ថវិកាសេវាសង្គម និងអនាម័យបរិស្ថាន នៃមូលនិធីក្រុង ស្រុក និងមូលនិធិឃុំ សង្កាត់ ដែលផ្សាភ្ជាប់ទៅនឹងការអនុ វត្តការងារសេវាសង្គមនៅថ្នាក់ខេត្ត ក្រុង ស្រុក និងឃុំ សង្កាត់។ ការគ្រោងថវិកា និងការអនុវត្តថវិកាសេវាសង្គម ឃុំសង្កាត់ ក្នុងបរិបទនៃការអនុវត្តលើ “ការលើកកម្ពស់តម្លាភាព និងគណនេយ្យភាពនៃការគ្រប់គ្រងថវិកាថ្នាក់ ក្រោមជាតិ” ដែលបានក្លាយជាកិច្ចការសំខាន់មួយ ដើម្បីធានាថាការប្រើប្រាស់ធនធានរដ្ឋ ត្រូវបានអនុវត្តដោយ យុត្តិធម៌ មានភាពស្មើភាព និងឆ្លើយតបតាមតម្រូវការពិតប្រាកដរបស់ប្រជាពលរដ្ឋ។

លោកជំទាវ សៀង លី ក្នុងនាម គណៈកម្មាធិការពិគ្រោះយោបល់កិច្ចការស្ត្រី និងកុមារ (គ. ក.ស.ក) ខេត្តមានចំណាប់អារម្មណ៍ទៅលើវគ្គបណ្ដុះបណ្ដាលនេះដោយជំរុញឲ្យសិក្ខាកាមរៀបចំផែនការ សេវាសង្គមលើចំណុចមួយចំនួនដូចជា លើកកម្ពស់សុខមាលភាពមាតានិងទារក អាហារូបត្ថម្ភ ពង្រឹងនិងពង្រីកការអប់រំកុមារតូច ការលើកកម្ពស់គុណភាពអប់រំបឋមសិក្សានិងមធ្យមសិក្សា។ លើកកម្ពស់កិច្ចការស្ត្រីកុមារ សុខភាពយេនឌ័រ កិច្ចអន្តរាគមន៍និងគាំទ្រនិងជំរុញអនុវត្តកិច្ចការងារសង្គម ពង្រឹងការយល់ដឹងទប់ស្កាត់ការរីករាលដល់ជំងឺឆ្លងនិងមិនឆ្លង
ពង្រឹងការលើកកម្ពស់គណនេយ្យភាពសង្គមទឹកស្អាត អនាម័យ ការគ្រប់គ្រងសំណល់រឹង រាវ ការបម្រែបម្រួលអាកាសធាតុ៕ សរសេរអត្ថបទដោយ សូរហ៊ាន សំអាង.ពិនិត្យដោយអ៊ុមញឹប។