მაგდა პაპიძეს მოსამართლემ უვადო პატიმრობა შეუფარდა

შვილისა და მეუღლის მკვლელობაში ნაფიცი მსაჯულების მიერ დამნაშავედ ცნობილ მაგდა პაპიძეს მოსამართლემ უვადო პატიმრობა შეუფარდა.

გადაწყვეტილების გამოცხადებამდე სხდომაზე მხარეებსა და თავად ბრალდებულს მოუსმეინეს. პროკურატურა მაგდა პაპიძისთვის უვადო პატიმრობას ითხოვდა. დაცვის მხარე მინიმალური სასჯელის განსაზღვრას -16 წელს.

მაგდა პაპიძემ სხდომაზე განაცხადა, რომ ნებისმიერი სასჯელისთვის მზადაა, თუმცა ბრალდებულმა ასევე განმარტა, რომ ურჩევნია სიკვდილით დასაჯონ.

ნაფიცმა მსაჯულებმა გამამტყუნებელი ვერდიქტი, ერთხმად, 4 ივლისს მიიღეს. მათ გადაწყვეტილების მისაღებად სამსაათიანი ვადა სრულად არ გამოუყენებიათ.

პაპიძე,, მეუღლისა და შვილის მკვლელობის ბრალდებით, 7 თვის წინ დააკავეს. მას ბრალი 109-ე მუხლით წაუყენეს, რაც განზრახ მკვლელობას გულისხმობს.