Скачать или смотреть ლაქი --- ინვალიდი ძაღლი რომელსაც სჭირდება დახმარება

ლაქი სოფელ ნაფარეულიდან
ლაქი ერთი თვის წინ ჩამოვიყვანეთ უმძიმეს მდგომარეობაში
ვიღაც არაადამიანმა დაცხრილა და ძაღლი ორი კვირა იწვა ბუჩქებში. შეეჭრა ინფექცია და წინა ფეხები ვერ გადავურჩინეთ.. მთლიანად მატლებს ჰქონდა შეჭმული. როდესაც პირველად დავინახე მქონდა სრული შოკი.. როგორ გაძლო და გადარჩა ასეთ საზარელ მდგომარეობაში ეხლაც ვერ ვაცნობიერებ. გარდა ფეხებისა მას მთლიანად ჰქონდა დამპალი ერთი გვერდი.. პარაზიტებს მთლიანი კუნთოვანი მასა შეჭმული ჰქონდათ და ლამის გულამდე იყვნენ ჩასული. რომ არა არტურ ლაგოვსკის ვეტერინარული კლინიკის პროფესიონალიზმი არ ვიცი რამდენად გადარჩებოდა.
ამავდროულად ვიყავით ძალიან მძიმე მდგომარეობაში. მოგეხსენებათ ჯანმრთელი ძაღლების გაჩუქება ჭირს და ინვალიდზე ალბათ კარგად მოგეხსენებათ.. მაინც მივიღეთ გადაწყვეტილება არ დაგვეძინებინა და დავიწყეთ ბრძოლა.. მოვკვეთეთ წინა ორი ფეხი, გაუკეთდა გვერდზე ოპერაცია და ამჟამად საკმაოდ იმედისმომცემი დინამიკა გვაქვს. წინა მოკვეთილ კიდურებში ჩავუყენეთ სპეციალური სამედიცინო მეტალის რკინები, რომელზეც დავამაგრებთ პროტეზებს და კიდევ ერთი ძალიან მაგარი ინფორმაცია გახლავთ ის რომ ლაქის აყვანის მსურველი ძალიან კარგი გოგოც გამოჩნდა.
ამჟამად ძაღლმა იქამდე უნდა დაჰყოს კლინიკაში სანამ ბოლომდე არ მოურჩება ნაოპერაციები და პროტეზებს არ გავუკეთებთ. ამაზე აქტიურად ვმუშაობთ და ძალიან გვჭირდება თქვენი გვერდში დგომა
ამ ბიჭმა ძალიან ბევრი გადაიტანა და ძალიან ბევრიც დაგვპირდით რომ არ მიატოვებდით
გთხოვთ დაგვეხმაროთ მისი კლინიკის ხარჯების ანაზღაურებაში
ლაქი არის მაგალითი სიცოცხლის სიყვარულის და ბრძოლის
ბოლომდე მივიყვანოთ ამ ნაწამები და ტანჯვით გადარჩენილი ძაღლის საქმე