Скачать или смотреть Nes torta | Hrana i Vino MKD

НЕС ТОРТА

10 јајца
ЗА ПАНДИШПАН
12 лажици шеќер
200 гр мелени ореви
2 лажици брашно
ЗА ФИЛ
300 мл млеко
3 лажици брашно
100 гр чоколада за готвење
3 лажици нес кафе
200 гр путер
200 гр шеќер
ЗА УКРАСУВАЊЕ
300 мл слатка павлака

Потребно време за подготовка на овој десерт е 70 - тина минути.

Јајцата ги кршиме и ги делиме жолчките од белките. Белките ги ставаме во сад за матење. По 5 жолчки ставаме во два различни сада. Ги матиме белките со миксер и додаваме 12 лажици шеќер. Откако шеќерот ќе се растопи во садот додаваме 5 жолчки. Брашното го додаваме во садот со мелените ореви и мешаме со лажица. Потоа оревите со брашното ги додаваме во садот за матење и мешаме со лажица. Тестото за пандишпанот го ставаме во тава за печење обложена со хартија. Тавата ја ставаме во рерна и печеме 15- тина минути на температура од 180 степени.
Во меѓувреме го подготвуваме филот. Во тенџере на оган го ставаме речиси целото млеко, додаваме 200 гр шеќер и мешаме со жица за матење. Во преостанатото млеко ги додаваме преостанатите 5 жолчки и мешаме со жица за матење. Додаваме и 3 лажици брашно и мешаме со жицата. Непрекинато мешајќи со жицата во тенџерето со зовриено млеко на оган ги додаваме размешаните жолчки. Откако кремот ќе ја добие потребната густина го тргаме тенџерето од оган. Во тенџерето го додаваме нес кафето. Чоколадата ја кршиме на парчиња, ја додаваме во тенџерето и мешаме со лажица додека чоколадата не се растопи.
Изладениот крем од тенџерето го ставаме во сад за матење. Во садот го додаваме путерот и матиме со миксер додека филот не се соедини. Испечениот пандишпан го сечеме на три ленти по должина. Првата лента ја премачкуваме со фил. Врз филот ја ставаме втората лента. И неа ја филуваме. Врз филот ја ставаме третата лента пандишпан. И неа ја филуваме. Слатака павлака ја матиме со миксер се додека шлагот не ја добие потребната густина. Го полниме шлагот во готварски шприц. Со помош на шприцот со шлаг ги прекриваме страничните делови на тортата, како и краевите на горната површина на тортата. Средината на тортата ја декорираме со зашеќерени рози со листови и украсни топчиња.
Со овој десерт ви предлагаме да се напиете квалитено суво бело вино Шардоне со интензивна прозрачна златножолта боја со арома на цитрон, ананас, банана и на диња. Се одликува со полно тело и со долг и елегантно горчлив финиш.

Се служи на температура од 10-12 степени.

Добар апетит.

www.hranaivino.com.mk
www.hranaivino.tv
Subscribe for upcoming recipes:
   / @hranaivinomkd  
Follow us:
Facebook:   / hranaivino