Скачать или смотреть 9 აპრილი - ტრაგედიისა და გამარჯვების დღე

36 წელი 9 აპრილის ტრაგედიიდან და 34 წელი საქართველოს დამოუკიდებლობის აღდგენიდან. 1989 წელს ჯერ კიდევ საბჭოთა საქართველოს დედაქალაქში რუსთაველის გამზირზე ათი ათასობით ადამიანი დამოუკიდებლობას ითხოვდა, რა დროსაც მშვიდობიანი აქცია საბჭოთა კავშირის სადამსჯელო ნაწილებმა დაარბიეს. თავისუფლების მოთხოვნით შეკრებილ უიარაღო მოქალაქეებს დილის 4 საათზე, საბჭოთა არმიის მძიმე ტექნიკა, შემდეგ კი რუსეთის შინაგანი ჯარის სპეცრაზმელები დაესხნენ თავს.


საბჭოთა ჯარისკაცებმა მშვიდობიან მომიტინგეებს გზა მძიმე ტექნიკითა და ტანკებით ჩაუხერგეს, შემდეგ დემონსტრანტებს ნიჩბებითა და მხუთავი აირით გაუსწორდნენ. მშვიდობიანი აქციის ჩახშობის ოპერაციას რუსი გენერალი იგორ როდიონოვი ხელმძღვანელობდა. 9 აპრილის აქციის დარბევის შედეგად 21 ადამიანი დაიღუპა. აქედან 17 ქალი და 4 მამაკაცი იყო. გარდაცვლილებს შორის იყვნენ არასრულწლოვნებიც. 9 აპრილის აქციაზე სასტიკი ანგარიშსწორების შედეგად 4 ათასზე მეტი დემონსტრანტი სხვადასხვა სახის დაზიანებით საავადმყოფოში მოათავსეს. დაუდგენელი ქიმიური ნივთიერებით მოიწამლა 2 000-მდე პირი.


1989 წლის 9 აპრილიდან ზუსტად ორი წლისთავზე 1991 წელს საქართველოს უზენაესმა საბჭომ, ზვიად გამსახურდიას მეთაურობით, საქართველოს დამოუკიდებლობის აქტი მიიღო. 9 აპრილი საქართველოს უახლეს ისტორიაში ჩაეწერა ტრაგედიის და ამავდროულად ქვეყნის დამოუკიდებლობის აღდგენის დღედ. 

ეწვიეთ ჩვენს საიტს - https://1tv.ge/
მოიწონეთ ჩვენი გვერდი -   / 1stchannel.1tv.ge  
გამოიწერეთ ჩვენი არხი -    / georgianpb  
ვიდეო წარმოადგენს საზოგადოებრივი მაუწყებლის საკუთრებას.
მისი გავრცელება შეგიძლიათ მხოლოდ ბმულის გაზიარებით.
დაუშვებელია მასალის ჩამოტვირთვა და სხვაგან ატვირთვა,
ამ შემთხვევაში მაუწყებელი უფლებას იტოვებს მიმართოს შესაბამის ზომებს.