شمس الضحى | عيضه الثبيتي & شبل الدواسر | حصري 2024

فعل التنبيهات ليصلك كل جديد🛎️
لاتنسى اللايك والاشتراك 🩶👏🏻
.
سنابي : TALLL70
للتواصل : ٠٥٠١٩٣٩٤٨٤
.

ياشمس الضحى لاتحرجين الذي مانام
يبين اْسهره لو انّه يحط نظّاره

مايستاهل اسئلة التعجب!والاستفهام؟
مادام الجواب يزيد نارٍ على ناره

جريح المحبّه لا يعاتب ولا يلاّم
لو اْتشاهد عيونه من الدمع فوارّه

بصدري شراره كل ماهبّت الانسام
تميّع ضلوعي والهواء لعنبوا داره

اقول الحظوظ تزين لادارت الايام
ولا زلت ثابت لوْ الايام دوّاره

طريق السعد قدّام ولا ماهو قدّام
طريقٍ جباري والمقادير جبّاره

وانا هقوتي قدّام لو حفيت الاقدام
ولاني مجنّب فايمن الخط ويساره

فهقت المشاغل فهقت شماغي البسام
ابا اثبّت الساعه وابا اثبّت الطاره

ترى رحلة الشاعر ماهي رحلة استجمام
يبوج الفضاء كله مايحتاج طيّاره

يصفَ الرصاص بمحزمه لجل الاستخدام
ولاكل رامي لارمى يطرح الشّاره

اذا صبت من ربي تعالى وحظٍ قام
واذا أخطيت من نفسي والاعذار عذارّه

تعيش الحقيقه كنّها بصمة الابهام
وبصمات شعر الشاعر اتمثل أفكاره

يروح الردي وانقول جعله مراح اْدهام
ويبقى الكفو وافعاله تزيد مقداره

وان والله اني محتزم في كفو و اْحزام
رفيقٍ يعد الصعبه اصغر من زراره

اماري بابن عمّار في منبر الاعلام
هذا اللي على علم الوفاء طالت اشباره

حزامي ذوي عمّار لاجاء اللزوم الهام
تذكّرني بعمّار بن عيد واذكاره

زعيمٍ ذخر روسٍ على العز ماتنظام
لابشرّتهم بالضيف يعطونك بشاره

هل الطيب والترحيب واكرام ذخر أكرام
يعدّون فعل الطيب ميراث وتجاره

مواقيفهم تنشاف فالماقف الاّزم
لاجات الصعاب وكل نشمي ضرب زاره

عليهم يليقن المدايح و سبع انعام
ولا طاح بيرقهم ولا حوّل اْشعاره

ونعمين يالاد القثامي بشكلٍ عام
يامقدم هوازن مركز المجد وفقاره

قبيلة تطول المجد وتحطّم الارقام
عسى طيبهم عن هاك الايام كفارّه

ترى اسم القثامي لاكتبته لـ الستعلام
تحصل كفو عند ايمن الاسم ويساره

عيضه الثبيتي