O le pese ia Nafanua

A group of four men from Samata, Savai'i, asked to this song in 1967, inside the house shown here. It represented the village's understanding of the legend of Nafanua, and may differ in details from those from other Samoan locations. Enjoy.

Ou te pese 'i le tala, 'o le tala mai anamua
'O le tala 'i le teine, 'o le teine 'o Nāfanua
'O le teine tāua, 'o le ulua'i toa o Samoa
'O Saveasi'uleo 'o lona tamā, 'o le tinā 'o Taemā.

'O la lā tama na faanau 'o le alualutoto
Na mamā ai nei 'ave loa 'i le tanu ma nanā,
I le fanua lenā sā nonofo ai lāua
'Ua fa'alogo 'o le alualutoto mai Pulotu
'I le ta'alili mai 'o le mapu o Tai'i 'o le Savai'i
I le pologa o Siāēā-i-sisifo 'iā Siāēā-i-sasa'e
'Ae tupu ai loa ma le fa'alavelave
'Ua 'emo uila, pāpā fāititili, lulu le mafuie
Lepetia loa le fanua 'ae tū mai 'o le teine 'o Nafanua.

'Ua alu le teine ta'u 'i ona mātua
'Ua 'oulua fa'alogo 'ea
I le oi o le pologa o lo lua 'āiga?
'I le pule sāuā a Siāēā-i-sasa'e?

Ē, 'o le tāofi o Nafanua 'ole'ā sāuni le taua.
Ioe.
Su'e loa ma le lā'au, 'o le lā'au 'o le toa
'Ua tofi loa 'o le lā'au i Pulotu
'Ua filifili ai lā'au e tolu.
'O ai?
'O le lā'au 'o Fa'auliulitō.
Ma ai?
Ma le lā'au 'o Ulimasao.
Ma le lā'au 'o Tāfesilafa'i
'O le lā'au lea e tau a'i le tama'ita'i

'Ua si'i mai 'o le taua,
'Ua taunu'u le malaga 'i Falealupo
Tofi loa le taua.
'Ua fai ai 'o māvaega a Nafanua
'Aua ne'i sopoia ma le māvaega e pa'ia
'O le pā nai Fualaga, sua loa ma le tuli
Auā le Ali'i-o-'āiga

Ē, auē ta fēfē
'Ae 'ā fa'apēfea nei 'o le aitu le sau'ai
Ma ona mata e taufe'ai?
'Ua tau nei le Tāfesilafa'i

Ē, le taua 'ua pa'ō, 'ua mūmū falō
'O 'aisea mālōlō auā 'o le taua 'ua matoto.
Ē.

'Ua fa'alogo 'i le tala 'ua mapuna
'I le ulugāli'i 'o Matuna ma Matuna
'Ua oti 'uma i le lā'au, 'o le lā'au a le toa
'Ua maua ai ma le igoa
'Ua ola i fale le lā'au a Nafanua.

Oi si ali'i o le Alamisi 'ua mae ma ta'afilifili
Ta'u mai 'o si ana miti e iai 'o se taimi i le taua neiI le maua le fīli,
auoi.

Fā 'ita fo'i e muli
'E Saleutogi 'ua pese fa'aumiumi
'Ia iloa e le atunu'u 'o Samata lo'u nu'u
Mua ō.

'O le taua nei 'ua mālosi
'Ua lafo ia a sasa'e, 'ua taunu'u 'i le pā
'Ua fualaga, fo'i loa auā 'o le māvaega.
Mua ō.

'E 'ua fo'i nei loa le itūtaua a Nafanua
'Ae māsu'e mai ona la'ie 'ua aliali ona susu e lua
'Ua mā loa 'o Nafanua i le itūtaua
'Ua maua ai nei le igoa a Malaeolemā
'O Malaeolemā 'o le malaefono o le itū 'ātoa.
Mua ō.