Скачать или смотреть કોન્ટ્રાક્ટ પધ્ધતિ દ્વારા બટાકાની ખેતી કરતા યુવા ખેડૂત

બટાકા નિકળવાની સિઝન શરૂ થયાની સાથે ફરીથી ભાવની રામાયણ પણ શરૂ થઇ ગઇ છે. આ સ્થિતિમાં ઉત્તર ગુજરાતના ઘણાં ખેડૂતો કોન્ટ્રાક્ટ પધ્ધતિ દ્વારા બટાકાની ખેતી કરે છે. જેમાં મુખ્યત્વે એલઆર(લેડી રોઝાન્ટા) વેરાયટીના બટાકાની ખેતી કરવામાં આવે છે. સાબરકાંઠા જિલ્લાના તલોદ તાલુકાના રૂસાતપુરા કંપા ગામના યુવા ખેડૂત કલ્પેશભાઇ પટેલ છેલ્લા 7 વર્ષથી ખેતી કરી રહ્યા છે. જેમાં તેઓ છેલ્લા બે વર્ષથી કોન્ટ્રાક્ટ પધ્ધતિ દ્વારા એલ.આર બટાકાની ખેતી કરી રહ્યા છે. કોન્ટ્રાકટ પધ્ધતિમાં વાવેતર સમયે જ ભાવ નક્કી થઇ જાય છે. નિયત કરેલા ગુણવત્તાના ધોરણો પ્રમાણે ખેડૂત દ્વારા જેટલા બટાકાનું ઉત્પાદન થાય છે એ કંપની દ્વારા અગાઉ નક્કી કરેલા ભાવે ખરીદવામાં આવે છે. ખેડૂતોને કંપની દ્વારા બિયારણ સહિત અમુક સુવિધા પુરી પાડવામાં આવે છે. સામાન્ય રીતે ચિપ્સમાં વપરાતા આ બટાકા માટે પેપ્સીકો, મકેઇન, બાલાજી જેવી કંપનીઓ ખેડૂતો સાથે કોન્ટ્રાક્ટ કરે છે. આ અંગે કલ્પેશભાઇ જણાવે છે કે, અમે આ વર્ષે પ્રતિમણ રૂ.190ના ભાવે વેચાણનો કોન્ટ્રાક્ટ કરેલો છે. જેમાં 45mmથી મોટી સાઇઝના બટાકા કંપની દ્વારા આ ભાવે ખરીદી લેવામાં આવશે. અમારા વિસ્તારમાં ફૂગજન્ય રોગોના કારણે આ વખતે બટાકાનો ઉતારો ઓછો રહ્યો છે. દર વર્ષે સરેરાશ વીઘે 350 મણ બટાકાનું ઉત્પાદન થાય છે. જ્યારે આ વર્ષે વીઘે સરેરાશ 300 મણ ઉત્પાદન થવાની શકયતા છે.
ખેડૂતમિત્રો આપ એલ.આઇ બટાકાની ખેતીની વધુ માહિતી માટે કલ્પેશભાઇનો મો. 9429086492 ઉપર સંપર્ક કરી શકો છો. કલ્પેશભાઇની બટાકાની ખેતી અંગેનો વીડિયો એપના એગ્રીસાયન્સ ટીવી વિભાગમાં જોઇ શકશો. ખેતીને લગતા વીડિયો નિયમિત જોવા માટે એગ્રીસાયન્સ ટીવી યુટ્યુબ ચેનલ સબ્સ્ક્રાઇબ કરો.
ખેતીની તમામ માહિતી માટે આપના મોબાઇલમાં ડાઉનલોડ કરો એગ્રીસાયન્સ કૃષિ એપ્લિકેશન. આ માટે નીચેની લિન્ક ઉપર ક્લિક કરો.
https://play.google.com/store/apps/de...