රනිල්, අනුර එක්ක ඩීල් දාන්න පෙර පාස්පෝට් සහ වීසා පොළිම් නැති කරන්න.

රනිල්, අනුර එක්ක ඩීල් දාන්න පෙර පාස්පෝට් සහ වීසා පොළිම් නැති කරන්න - විපක්ෂ නායක සජිත් ප්‍රේමදාස මහතා

රට පරදවන රට විනාශ කරන රට ගිනිබත් කරන රනිල් වික්‍රමසිංහ අනුර දිසානායක අයිය මලෝ ජෝඩුව දේශපාලන ජෝඩුවක් වී ඇති බවත් මොනා හරි කර තමා පැරදවීම ඔවුන්ගේ අරමුණ බවත් ඔවුනොවුන් ඔවුන්ගේ දෙවැනි මනාප බෙදාගෙන ඇති බවත් එම නිසා දෙවැනි මනාප අවශ්‍ය නොවන බවත් පළමු වටයෙන්ම සමගි ජන බලවේගය ජයග්‍රහණය කරන බවත් මේ රටේ ජනතාව මේ දේශපාලන ඩීල්වලට රැවටෙන්නේ නැති බවත් විපක්ෂ නායකවරයා පැවසීය.

රටේ ජනාධිපතිවරයා මැතිවරණයට ඉදිරිපත් වී ඇති නමුත් ඔහුට පාස්පෝට් හෝ වීසා දෙන්න බැරි වී ඇති බවත් මේ අයට රටේ ප්‍රශ්න විසදන්න බැරි බවත් පාස්පෝට් හා වීසා පෝලිම බවත් ඒකාබද්ධ ඇගලුම් සංගමය කියන ආකාරයට ගැනුම්කරුවන්ට සැපයම්කරුවන්ට තාක්ෂණික සේවා සපයන අයට අප රටට ඒමට වීසා දෙන්න බැරි වී ඇති බවත් මෙය අප රටට බලපාන බවත් සංචාරක ක්ෂේත්‍රය පවා මේ නිසා කඩා වැටෙමින් යන බවත් විපක්ෂ නායකවරයා පැවසීය.

අනුර එක්ක හොර ඩීල් නොගහ පාස්පෝට් සහ වීසා දෙන වැඩපිළිවෙළ සකස් කරන ලෙස ජනාධිපතිවරයාගෙන් ඉල්ලා සිටින බවත් මේ අය රටේ වගකීම බාර ගත්තොත් ඇපත් නැති බවත් රනිල් අනුර මහා කුමන්ත්‍රණය පරාජය කළ යුතු බවත් විපක්ෂ නායක සජිත් ප්‍රේමදාස මහතා පැවසීය.

2024 ජනාධිපතිවරණය වෙනුවෙන් සමගි ජන සන්ධානයේ 41 වැනි විජයග්‍රාහී ජන රැළිය විපක්ෂ නායක සජිත් ප්‍රේමදාස මහතාගේ ප්‍රධානත්වයෙන් සැප්තැම්බර් 9 වෙනිදා මහනුවර දී අතිසාර්ථක අන්දමින් පැවැත්විණි. මෙහි දී අදහස් දක්වමින් විපක්ෂ නායක සජිත් ප්‍රේමදාස මහතා මේ බව කියා සිටියේ ය

රජය හිතාමතා වීසා හා පාස්පෝට් පෝලිමක් සැදු බවත් මේවා වුනේ දුෂිත ගනුුදෙනු නිසා බවත් හොර ගනුදෙනු නිසා බැවින් සමගි ජන බලවේග රජයක් තුළ මේ වීසා හා පාස්පෝට් පෝලිමට තුඩුදුන් හොරකම් ටික ජනතාවට හෙළිදරව් කර වැරදි කළ අය නීතිය හමුවට ගෙන එන බවත් විපක්ෂ නායකවරයා වැඩිදුරටත් පැවසීය.

වතු ප්‍රජාවට ඉඩමක අයිතිය

වතුප්‍රජාවටත් ඉඩමක අයිතියක් ඇති තරුණ ප්‍රජාව වෙනුවෙන් වගා නොකළ ඉඩම් ලබා දී කුඩා තේ් වතු හිමියන් ලෙස සවිබල ගන්වන බවත් විපක්ෂ නායකවරයා තවදුරටත් පැවසීය.

සෑම තැනම නිවාස සහ නාගරික ගැටලු ඇති නිසා විධිමත් නගර සංවර්ධනයක් කරා යන බවත් ජලය නොමැති පැතිවලට ජල ව්‍යාපෘති ක්‍රියාත්මක කරන බවත් ජලය ජනතාවගේ මානව අයිතියක් බැවින් එය ලබා දෙන බවත් විපක්ෂ නායකවරයා පැවසීය.

ගම් උදා යුගය නැවතත්

නැවත වරක් ගෙවල් හදන ගම් උදා යුගය ආරම්භ කරන බවත් වත්මන් රජයේත් අනුප්‍රාප්තික ජනාධිපතිවරයාගේ පාලනය කාලයේත් ගෝඨාභය රාජපක්ෂ ජනාධිපතිවරයාගේ කාලයේ ගත් අමනෝඥ තීන්දු නිසා දුප්පත්කම වැඩි වී ඇති බවත් දුප්පතුන් සදාකාලික සහනාධාර අපේක්ෂා නොකරන බවත් යම් රාජ්‍ය මැදිහත් වීමක් සිමාසහිත කාලයකට ලබා දීම අපේක්ෂා කරණ බැවින් ගැමිදිරිය අස්වැසුම ජනසවිය සමෘද්ධි වැඩසටහන්හි හොද ගුණාංග ගෙන නව දුප්පත්කම තුරන් කිරීමේ වැඩසටහනක් දියත් කරන බවත් මාස 24ක මාසෙට රු 20000 දෙන බවත් විපක්ෂ නායකවරයා වැඩිදුරටත් පැවසීය.

සමගි ජන බලවේගයේ ප්‍රතිපත්ති ප්‍රකාශය මුලින්ම ඉදිරිපත් කළේ දළදා වහන්සේ බවත් බංකොලොත් රට යළි ගොඩනගන ගමන වෙනුවෙන් භික්ෂූන් වහන්සේලා එක්ව ජනතාව සමග සමාජ ගිවිසුමකට එලැඹුණු බවත් අප රට දැවැන්ත ඛේදවාචකයන් රැසකට මුහුණ දෙන බවත් ජාති ආගම් කුලමල පන්ති පක්ෂ භේදයෙන් තොරව මේ ඛේදවාචකයට මුහුණ දි අසහනයෙන් පෙළෙන බවත් රටේ උග්‍ර පොහොසතුන් හැරුණු කොට ලක්ෂ 220 ජනතාව දරාගත නොහැකි දුකක් විදින බවත් මේ දුුකින් ජනතාව මුදවා ගැනීම තමගේ වගකීම බවත් විපක්ෂ නායකවරයා පැවසීය.