🔥 الثلاث الغامدية 🔥 | كلمات : رشيد الغامدي & اداء : درع المري | حصري 2024

عد حجاج الحرم وعداد زوار المدينه
مرحبا ترحيبةٍ تنساق سوق الشاذليه

مرحبا ترحيبنا لضيف سلّم في جبينه
الخوي والضيف لا جانا نقدر له مجيه

مرحبا ترحيب يشيل البحر شيل السفينه
ومرحبا ترحيبٍ اغنى امن البنوك العالميه

في محل رجال مثل جبال وحصون حصينه
اهل ترحيبٍ يزلزل واهل شيمات وحميه

عند ابن عمي محمد ياعسى تبطي سنينه
ذا محمد بن مبارك بن سعد والنار حيه

طيب راس وطيب ساس وفالكرم تندى يمينه
ماينافس له يمين الا اليمين الحاتميه

تكبر القاله وتصغر ما يعقّد حاجبينه
كلمتينن من لسانه تنقض حبال القضيه

الكفو ياطيب طيبه والكفو ياحي عينه
والله ان الكفو يستاهل تحيه عسكريه

فالنسب ناسب كريم الجاه وسيوف سنينه
العوادين وسعد يسعد مع الطرقه خويه

العوادين الدهايا اهل المواقيف الثمينه
الولد منهم يلا افصح يفصح بيارب حيه

عزوتي قيف آل حله لابدا لازم وحينه
يقلعون الخصم فالدنيا مثل مقلع طميه

لو يجينا الموت فالميدان نلعن والدينه
نورّد الموت المسمى غصب لحياض المنيه

عزوتي من غامد الهيلا ذرى المجد وعرينه
شوق زاهية الوشام وفزعةً للراعبيه

اسمنا الهيلا المهيله كل مجد كاسبينه
من يوقف ضدنا عينه تدن الهاشميه

يوم صفينا جيوش الحرب ماذقنا الغبينه
الثلاث الغامديه وقفت تعطي تحيه

اسمنا مع وسمنا كل القبايل خابرينه
يحمي البل وسمنا لا صار برقبة المطيه

كلمات : رشيد الغامدي

————————————————-




▪️لاتنسى الاشتراك بـ القناه .
▪️دعمك لنا و تعليقك .
▪️أنشر الشيله اي مكان لاهننـت .
▪️و لاتنسى تفعـل الجرس (🔔) عشان يوصلك كل جديد .


لـ التواصل و الاستفسار :

الحسابات لـ قناة نجـم غامد .

Watsapp :

https://wa.me/message/D6TFJST4VPETM1


Snap chat :

  / ni_m07  


🔶—🔶—🔶—🔶—🔶
" أتمنَى منك دعمك إذا تكرمت انشر رابط قناتي و لك مني جزيل الشكر ♥️ .