মুছলপুৰ বাগসা নৗগৗৰত কেন্দ্ৰীয় বৰ' থুনলাই আফাদৰ অধিৱেশন। মঙ্গলীয়াৰ ৰাষ্ট্ৰদূত, ম্যানমাৰৰ সাংসদ আৰু বাংলাদেশৰ সাংসদ আহিবঃ
০৪,ফেব্ৰুৱাৰী, @@@@= বৰ' থুনলাই আফাদ তথা বড়ো সাহিত্য সভাৰ ৫৭ তম অধিবেশন আৰু সদৌ বড়ো প্ৰাথমিক শিক্ষক সন্থাৰ ২৯ তম অধিবেশনখন কাইলৈ পৰা আৰম্ভ । অহা ৪ , ৫ আৰু ৬ ফেব্ৰুৱাৰীত বাক্সা জিলাৰ মুছলপুৰত তিনিদিনীয়া বৰ্ণাঢ্য কাৰ্যসূচীৰে অনুষ্ঠিত হ'বলগীয়া অধিবেশনক লৈ ব্যস্ত বাক্সা তথা মুছলপুৰ ৰাইজ । এই উপলক্ষে এতিয়া উখল মাখল মুছলপুৰৰ বাগসা নৗগৗৰ। অধিবেশনস্থলত আদৰণী সমিতিৰ সভাপতি তথা বিটিচিৰ কাৰ্যবাহী সদস্য অনসুমৈ খুংগুৰ বড়োই নিজে উপস্থিত থাকি কামবোৰ তদাৰক কৰিছে ৷ অধিৱেশনৰ বাবে মূল তোৰণ , প্ৰতিনিধি শিবিৰ, ৰভা মঞ্চ, প্ৰদৰ্শনী, বানিজ্যিক বজাৰ, ৰান্ধনিশাল , ভোজনালয়, অতিথিশালা, পতাকা উত্তোলন স্থলি আৰু স্মৃতি বেদী নিৰ্মাণ প্ৰায় সম্পূৰ্ণ হৈছে । প্ৰতিখন উপ সমিতিবোৰে নিজ নিজ দায়িত্বত থাকি সজাই তোলাৰ বাবে যুদ্ধকালীন তৎপৰতাৰে কাম কৰি আছে। সাহিত্যিক দেওবাৰ ৰামচিয়াৰীৰ নেতৃত্বত অধিৱেশনৰ উপলক্ষে ৫৫০ পৃষ্টাযোৰা " বাগসা দুৱাৰ " বুঞ্জীমূলক স্মৃতিগ্ৰন্থৰ কামো সম্পূৰ্ণ হৈছে ৷ ৰভাথলী একেলগে পোন্ধৰ হাজাৰৰ অধিক দৰ্শকে বহি উপভোগ কৰাৰ বিশাল পেন্দেলেৰে নিৰ্মীত ৷ ইফালে ভোজনালয়ত একেলগে পোন্ধৰশ লোকে বহি ভাত আৰু চাহ খাব পৰাকৈ সুবিধা কৰিছে ৷ অধিৱেশনৰ মুকলি সভাত অসমৰ মুখ্যমন্ত্ৰী সৰ্বানন্দ সোণোৱাল, শিক্ষা আৰু স্বাস্থ্য মন্ত্ৰী ড: হিমন্ত বিশ্ব শৰ্মা, বিটিচিৰ মুখ্য কাৰ্যবাহী সদস্য হাগ্ৰামা মহিলাৰী, হায়দৰাবাদ বিশ্ববিদ্যালয়ৰ অধ্যাপক ফণীন্দ্ৰ গয়াৰী, ইংলেণ্ড নিৱাসী ডা: প্ৰবীৰ ব্ৰহ্ম, মঙ্গলীয়াৰ ৰাষ্ট্ৰদূত গনসিং গানবল্ড, ম্যানমাৰৰ সাংসদ ক্ৰমে সিং নায়িন মাৰ্গ, খাম খান থাং, গিন কান লিয়ান, সিন খান পাও, বাংলাদেশৰ সাংসদ কুজেন্দ্ৰ লাল ত্ৰিপুৰা, ৰেমৰা সাই চৌধুৰী, বাংলাদেশৰ উকিল আছুটছ চাক্মা, বড়ো মন্ত্ৰী তথা বিধায়ক সকলৰ লগতে বহু বিশিষ্ট ব্যক্তি সকল উপস্থিত থাকিব । অধিবেশনত বড়ো সাহিত্য সভাৰ প্ৰতিনিধি হিচাপে বাংলাদেশৰ বড়ো জনগোষ্ঠী ত্ৰিপুৰী জনগোষ্ঠী, ভূটান ৰাষ্ট্ৰৰ বড়ো জনগোষ্ঠী ভূটো জনগোষ্ঠী, নেপাল ৰাষ্ট্ৰৰ বড়ো জনগোষ্ঠী মেছে জনগোষ্ঠী, ইন্দনেছিয়া ৰাষ্ট্ৰৰ বড়ো জনগোষ্ঠী বালি জনগোষ্ঠী, ত্ৰিপুৰাৰ বড়ো জনগোষ্ঠী কোক- বৰক জনগোষ্ঠী , মেঘালয়ৰ বড়ো জনগোষ্ঠী, পশ্চিম বংগৰ বড়ো জনগোষ্ঠী মেছে জনগোষ্ঠীৰ লগতে অসমৰ বিভিন্ন জিলাৰ পৰা বড়ো জনগোষ্ঠীৰ লোক সকলে অংশ গ্ৰহণ কৰিব । ডেৰ কৌটি টকাৰ বাজেট ধাৰ্য কৰা বড়ো সাহিত্য সভাৰ বিশেষ আকৰ্শন হ'ব প্ৰদৰ্শনী যত থাকিব বড়ো তথা আন জনজাতিৰ সাংস্কৃতিক সম্ভাৰ লগতে দৈনদিন কাম, কৃষি কৰাৰ পদ্ধতি ৷ অধিবেশনস্থলীত বড়ো যুৱক- যুৱতী- মহিলা সকলে নৃত্যৰ আখৰা চলাই আছে ৷ বড়ো সাহিত্য সভা আৰু বড়ো প্ৰাথমিক শিক্ষক সন্থাৰ বছৰেকীয়া অধিবেশনৰ প্ৰতিনিধি সভাত বড়ো মাধ্যমৰ সমস্যা, সংস্কৃতিৰ লগতে জাতীয় সমস্যাৰ ওপৰত আলোচনা হব। অধিবেশনস্থলীত ইতিমধ্যে দিনে - নিশাই পাঁচশ লোকে কাম - কাজ চলাই আছে ৷ দুদিনৰ পিছত হাজাৰ- হাজাৰ বিভিন্ন জনগোষ্ঠীৰ লোক ভৰিপৰিব মুছলপুৰৰ বাগসা নৗগৗৰত । আগন্তুক বড়ো সাহিত্য সভা মুছলপুৰ অধিৱেশনৰ প্ৰতিদিনে হাজাৰ হাজাৰ প্ৰতিনিধি তথা সাহিত্য প্ৰেমী সকল উপস্থিত হব বুলি আশা প্ৰকাশ কৰিছে আদৰণী সমিতিয়ে।
Информация по комментариям в разработке