Скачать или смотреть AI અને શિક્ષણઃ આ વીડિયો ગુજરાતના દરેક શિક્ષક અચૂક જુએ | Ramesh Tanna | Nani Savar

પાલનપુરનો એક યુવક AIની મદદથી શિક્ષણમાં અદભુત કામ કરી રહ્યો છે. તેણે Edutor App બનાવી છે. આ App એ શિક્ષણમાં AI દ્વારા પાયાનાં પરિવર્તનો લાવવાના વ્રત સાથે કાર્ય કરતું સ્ટાર્ટ અપ છે. આ ધોરણ એકથી બારના શિક્ષકો AI દ્વારા વધુ સારી રીતે ભણાવી શકે અને વિધાર્થીઓ વધુ સારી રીતે ભણી શકે તે માટેનું પ્લેટફોર્મ છે. Edutor App મોબાઈલ અને વેબ એપ્લિકેશન છે જ્યાં દેશના દરેક બોર્ડ અને મીડિયમનો શિક્ષક અને વિદ્યાર્થી AI નો શિક્ષણમાં ઉપયોગ કરી શકે છે. ખેતશ આકોલિયા, ચિરાગ જોશીના નેતૃત્વમાં બનાસકાંઠાના પાલનપુર ખાતે સાત યુવાનોની ટીમ દ્વારા Edutor App બનાવવામાં આવી રહ્યું છે. અત્યાર સુધી Edutor App પર 96,000 શિક્ષકો અને 2.1 લાખ વિદ્યાથીઓ જોડાઈ ચૂક્યા છે. ગુજરાતી ભાષામાં અને અભ્યાસક્રમ આધારે કામ કરતું એક માત્ર AI Edutor App છે. આશરે 10 હજાર શિક્ષકો અને વિદ્યાર્થીઓ દ્વારા દરરોજ ઉપયોગ કરવામાં આવી રહ્યો છે. સને 2023 માં ગૂગલ દ્વારા દેશના શ્રેષ્ઠ 100 સ્ટાર્ટ અપ તરીકે Edutor App ની પસંદ કરવામાં આવી હતી. વર્ષ 2024 માં NVIDIA દ્વારા કટિંગ એજ ટેક્નોલોજીના વૈશ્વિક શ્રેષ્ઠ સ્ટાર્ટ અપ તરીકે પણ તેની પસંદગી થઈ હતી, જેના ભાગરૂપે Edutor App માંથી ખેતેશ આકોલિયા અને ચિરાગ જોશીને તાઇવાન ખાતે AI સમિટમાં બોલાવવામાં આવ્યા હતા.
Khetesh Akoliya બનાસકાંઠા જિલ્લાના ગુજરાત રાજસ્થાન બોર્ડર પરના નાના ગામના એક ખેડૂત પરિવારમાંથી આવે છે. દેશની ટોચની MBA કૉલેજમાં એડમિશન મેળવ્યા 12 જ દિવસમાં ડ્રોપ કરીને પાછા આવી ગયા અને પાલનપુર જેવા નાના શહેરથી શિક્ષણને ટેક્નોલોજી દ્વારા ધરમૂળથી બદલાવાના લક્ષ સાથે Edutor App ની તેમણે શરૂઆત કરી છે. તેમના સાથીદીર ચિરાગ જોશી
માત્ર 12 વર્ષની નાની ઉંમરે શિક્ષણની વેબસાઇટ બનાવીને ચલાવનાર વિધાર્થી ચિરાગ થરાદથી થોડેક દૂર આવેલ ગામથી આવે છે. ખેતરમાં રહેતો ચિરાગ જેની આસપાસ ટેક્નોલોજી કે ગેઝેટની માહિતી ધરાવનાર કોઈ વ્યક્તિ નહોતું છતાંય કોવિડ દરમિયાન મોબાઈલમાંથી જાતે શીખીને વેબસાઇટ બનાવી હતી. દુર્લભ ટેલેન્ટ જણાતા ખેતેશ આકોલિયાએ 2023માં ચિરાગને પાલનપુર Edutor Appમાં બોલાવી લીધો હતો. ત્યારથી ચિરાગ પોતાની જાતે જ AI શીખે છે અને બનાવે છે. આજે ચિરાગ એડ્યુટર એપમાં AI લીડ કરી રહ્યો છે. નેશનલ લેવાની ઘણી બધી ટેક્નોલોજી સ્પર્ધાઓમાં ભાગ લીધો છે. Adventure-X જે ચીનની અત્યાર સુધીની સૌથી મોટી પાંચ દિવસીય હેકાથોન તાજેતરમાં થઈ હતી. હેકાથોન એ ટેક્નોલોજી બનાવવાની સ્પર્ધા હોય છે જેમાં સિલેક્ટેડ ટીમ નિર્ધારિત સમય દરમિયાન એક જ સ્થળે બેસીને વિવિધ આઇડિયા આધારે પ્રોજેક્ટ બનાવતી હોય છે. ચીન અને સમગ્ર દુનિયાના શ્રેષ્ઠ ટેક ટેલેન્ટ વચ્ચે આપણા ગુજરાતમાંથી ખેતેશ આકોલિયા અને ચિરાગ જોશીની પસંદગી થયેલ. કુલ 6500 લોકોમાંથી આશરે 300 લોકોની પસંદગી કરવામાં આવી હતી. જેના અંતર્ગત ખેતેશ અને ચિરાગ ગયા અઠવાડિયે જ ચીનના Hangzhou શહેર ગયા હતા. ટેક્નોલોજી ક્ષેત્રે ચીનની દોડને નજીકથી જોવાની આ શ્રેષ્ઠ તક હતી. ખેતેશ આકોલિયાનો સંપર્ક નંબર 9724654616 છે. સરનામુંઃ NIB સ્કૂલ, લક્ષ્મીપુરા, પાલનપુર, બનાસકાંઠા
FB -   / 1c8wxhhfya