Fransa niyə geri addım atdı?

Blinken İlham Əliyevlə telefon söhbətində hiyləgər davranırdı. Əvvəlcə delimitasiya ilə bağlı təbriklərini çatdırdı, Azərbaycanla əlaqələri gücləndirmək istədiklərini dedi. Zəngin əsl məqsədi isə başqa idi. Vaşinqton Ermənistanla Azərbaycan arasında münasibətlərin normallaşdırılmasına dəstək vermək istəyir. Prezident İlham Əliyevin Blinkenə cavabı yenə diplomatik ustalığı ilə seçilirdi. Qazaxıstan. Yaxın günlərdə sülh danışıqlarına şahidlik edəcək. Almatı Azərbaycan-Ermənistan müzakirlərinə ev sahibliyi edən ikinci müsəlman şəhəri olacaq. İlki Bişkek idi. 1994-cü ilin bu günü tərəflər bu məkanda atəşkəs imzalamışdı. 30 il sonranın mayında isə iki ölkə sülh axtarışındadır. Barışın təməlinin atıldığı şəhər isə Almatı ola bilər. Qazaxıstanı Azərbaycan və Ermənistanla birləşdirən bir çox amillər var. Azərbaycanla Türk Dövlətləri Təşkilatında bir damın altındadır. Ermənistanla isə Avrasiya İqtisadi İttifaqında bir sırada dayanır. Almatı görüşünə tərəflər müsbət aurada gedir. İki ölkə sülhə yaxındır. Qalır buna əngəl olanların özünü əngəlləmək. Fransa. Dünyanın ən gözəl ölkələrindən biri. Ona “aşiqlər ölkəsi” də deyirlər. Amma tarixi sevgidən çox uzaqdır. Keçmişdə törətdiyi soyqırımlardan danışmayacam. Bu gün Fransada tolerantlıqdan, insan haqlarından tez-tez bəhs olunur. Amma dənizdə 10-dan artıq ərazini hələ də müstəmləkədə saxlayır. Azərbaycan Qoşulmama Hərəkatına sədrlikdən sonra xalqların müstəmləkə faciəsinə xüsusi diqqət çəkib. Bu sırada Əlcəzair, Tunis, Vyetnam və digərləri var. Bu faciələr keçmişdə qalıb, amma Fransa müstəmləkə siyasətini gələcəyə də aparır. Bu həftə Bakıda keçirilən VI Ümumdünya Mədəniyyətlərarası Dialoq Forumunda Fransanın qulağı cingildədi. Ona göz yumanların da. Prezident İlham Əliyev konkret faktlarla Avropa qurumlarının ikiüzlü siyasətini ortaya qoydu. Fransa-Azərbaycan münasibətlərindəki ton aylardır çox yüksəkdir. 2 həftə əvvəl Fransa Azərbaycandakı səfirini geri də çağırmışdı. Makron gözləyirdi ki, Azərbaycan da öz səfirini geri çağırsın. Bakıdan ciddi reaksiya gəlmədi. Bəlkə ona görə ki, fransalı səfirin varlığı ilə yoxluğunu hiss etmədi. Getmişdi, geri döndü. Dönüşü 4 kəndin azad edilməsindən dərhal sonra oldu. Bakıdan boş apardığı çamadanını yəqin ki, dolu gətirib. Hər halda çantasından yalnız fransız ətri çıxmayacaq. Hələlik isə Fransa Yay Olimpiya Oyunlarına hazırlaşır. Dünya bu oyunları həyəcanla gözləmir. Makron da həyəcan yaratmağın başqa yolunu tapıb. Məsələn, olimpiya məşəlini daşıyacaq şəxsin seçimi maraqlıdır. Bu, Minima Geste adlı transvestit olacaq. 25 sm-lik dikdabanda 2 saatdan artıq müddətdə dünya onu izləyəcək. Olimpiya Oyunlarına hələ var. İndi əsas məsələ dünyaya siyasi oyunlarını izlətdirməkdir.

Bizi İzləyin:
Whatsapp: https://whatsapp.com/channel/0029Va8Q...
Facebook:   / ictimai.tv  
Instagram:   / ictimaitv.official  
Teleqram: https://t.me/tvictimai
Sayt: https://itv.az/

Copyright © İCTİMAİ TV

#itv #ictimaitv #video #televiziya #baku #videolar #sondakika #video #gündem #news #sondeqiqe #sondəqiqə #gündem #news #keşfet