МАХТУМҚУЛИ - НА БИЛСИН / ИСЛОМ ХОЛБОЙ

МАХТУМҚУЛИ
НА БИЛСИН

Ўз ниятин ўзи билмас одамдан,
Ҳол сўралмас, халқ дардини на билсин,
Не таъма бор хамир ичган гадойдан,
Бўзахўр суҳбатни, созни на билсин.

Яхши сўз ёмонга қотилса заҳар,
Англар эрнинг англамаси, кезанар,
Ялоқдаги ошни тўкса суюнар,
Ит қумни, тобоқни, тосни на билсин.

Бутпараст минг қилса рўза, намозни,
Анга насиб бўлмас беҳиштнинг ёзи,
Дунёни тутганда чақмоқ овози,
Эшитмас кар, ғофил сасни на билсин.

Тингла, сўзим, нар зарбини нар танир,
Қай кимса эшакни, моҳак зар танир,
Эй, ёронлар, эр йигитни эр танир,
Номардлар баландни, пастни на билсин.

Махтумқули айтар, сўзларим ҳақдир,
Во дариғ, ҳақ сўзга тан берган йўқдир,
Сиртидан боқмагил, қорадир, оқдир,
Кўр олтин-кумушни, мисни на билсин.

Туркманчадан Ислом Холбой ўзбекчалаштирди

  / islom.xolboy  
  / islomkholboi  
   / @islomxolboy3685  
https://t.me/islomxolboy