បណ្ឌិត ដេត សុខឧត្តម លើកទឹកចិត្តនិស្សិតឲ្យគិតពី​ STEM

ភ្នំពេញ៖ ការជ្រើសរើសជំនាញដែលត្រឹមត្រូវតាមចំណូលចិត្តរបស់សិស្ស-និស្សិត គឺជារឿងដែលសំខាន់ណាស់ ប៉ុន្តែទោះយ៉ាងនេះក្តី គេមើលឃើញមាននិស្សិតមិនតិចនោះទេ ដែលជ្រើសរើសជំនាញខុស។ ដូច្នេះហើយបានជា កម្ពុជាមានជំនាញ និងមានកង្វះខាតធនធានមនុស្សដែលមានជំនាញពិតប្រាកដច្រើន។
ទោះជាបានដឹងថា មានជំនាញខ្លះ មួយចំនួនកំពុងមានអតិផរណាក៏ដោយ ប៉ុន្តែលោក ដេត សុខឧត្តម សាកលវិទ្យាធិការសាកលវិទ្យាល័យហ្សាម៉ាន់ នៅតែបញ្ជាក់ដែរថា ជំនាញណាក៏សំខាន់ និងមានតម្រូវការ ឲ្យតែចេះប្រាកដ។ លោក ឧត្តម បញ្ជាក់ដូច្នេះ៖«ក្នុងបរិបទដែលកម្ពុជាកំពុងតែអភិវឌ្ឍន៍ ជំនាញណា វិស័យណាក៏ត្រូវដែរ ឲ្យតែចេះពិតប្រាកដ។ វិស័យការទូត,ធនាគារ,ធុរកិច្ច,ច្បាប់,វិស្វកម្ម និងសំណង់ជាដើម គឺសុទ្ធតែត្រូវការទាំងអស់ ប៉ុន្តែសំខាន់ឲ្យយើងអ្នករៀនគឺត្រូវចេះឲ្យពិតប្រាកដ»។
ប៉ុន្តែជាយោបល់របស់សាកលវិទ្យាធិការសាកលវិទ្យាល័យហ្សាម៉ាន់ លោកលើកទឹកចិត្តនិស្សិតកម្ពុជា ឲ្យគិតគូរពីជំនាញទាក់ទងនឹងវិទ្យាសាស្ត្រ បច្ចេកវិទ្យា វិស្វកម្ម និងគណិតវិទ្យា(STEM) ព្រោះវាជួយឲ្យប្រទេសកម្ពុជារីកចម្រើនលឿន។
--------------------------------------------------------------------
ThmeyThmey News Social Media:

https://thmeythmey.com/
  / thmeythmey  
  / thmeythmeyvideonews  
  / thmeythmeynews  
  / thmeythmey