Скачать или смотреть சௌபாக்ய லக்ஷ்மி வருவாயே-Sowbhagya Lakshmi Varuvaiyae -Lakshmi Song

This video is Sowbhagya Lakshmi Varuvaiyae

Sowbagya Lakshmi Varuvaye.....சௌபாக்ய லக்ஷ்மி வருவாயே

Ragam: Sri
Talam: Adi

சௌபாக்ய லக்ஷ்மி வருவாயே மனை
மங்களம் பொங்க (சௌ)

1. வாசலில் வண்ண கோலங்கள் இட்டு
வாழையும் மாவிலைத் தோரணம் கட்டி
ஆசனம் அமைத்து நெய் விளக்கேற்றி
அன்புடன் அழைத்தோம் அன்னையே வருக (சௌ)

2. மல்லிகை ஜாதி மருவுடன் ரோஜா
மணம் மிகு தாழம்பூ மலர்களும் மற்றும்
எல்லையில்லாத பக்தியும் சேர்த்து
ஈஸ்வரி உனக்கு அர்ச்சனை செய்வோம் (சௌ)

3. மாணிக்கசிவப்பில் மூக்குத்தி மின்ன
மரகத குண்டலம் காதினில் ஆட
ஆணிப்பொன் முத்து மாலைகள் அசைய
அச்சுதன் நாரணன் மார்பினில் வாழும் (சௌ)

4. அழகிய கூந்தல் இடை வரைபுரள
அருள் மிகும் கண்கள் கருணையை பொழிய
எழில் மிகும் நெற்றியில் குங்குமம் துலங்க
எங்களின் மங்கல பாக்யங்கள் பெருக (சௌ)

5. பாயசம் வடையும் பக்ஷண வகையும்
பலவித பழங்களும் கொழுக்கட்டை தினுசும்
ஆசையுடன் உனக்கு அர்ப்பணம் செய்தோம்
அம்பிகையே எங்கள் அன்னையே வருக (சௌ)

6. கற்பூரம் சுற்றி கண்களில் ஒற்றி
கரத்தினில் மங்கல தோரணம் கட்டி
பொற்பதம் போற்றி பூக்களும் தூவி
புண்ணியம் அடைவோம் அன்னையே வருக (சௌ)

7. ஜ ல் ஜ ல் ஜ ல் என சதங்கைகள் ஒலிக்க
ஜண ஜண ஜண என வளையல்கள் குலுங்க
கல் கல் கல் என கால் சிலம்பொலிக்க
உன் கருணையினால் எங்கள் கஷ்டங்கள் பறக்க (சௌ)

8.. கல்வியில் குழந்தைகள் சிறந்திட வேணும்
கன்னியர் நல்ல கணவனை பெறவும்
மங்கையர் யாவர்க்கும் மங்களம் பெருகவும்
சீரும் சிறப்புடன் வாழ்க என வாழ்த்தி (சௌ)