آخرت سےمتعلق علم ا و راس علم پرعمل حقیقی زندگی کی علامت ہے- مثنوی مولانا رومؒ - 9 مئی 2021

تشریح از حضرت شیخ سید شبیر احمد کاکا خیل صاحب دامت برکاتھم


خانقاہ رحمکاریہ امدادیہ
راولپنڈی
اہم نکات
• جس کا تعلق اللہ عزوجل کے ساتھ ہے تو خواہ وہ کیسا ہی غریب و مسکین ہو اس کا مقام اس سے اونچا ہے جس کا تعلق دنیا کے ساتھ ہے خواہ وہ فرعون یا نمرود کی طرح بادشاہ ہو۔
• آدمی گوایک مٹھی بھر مٹی سے گوندھا گیا ہے، لیکن اپنے قلب کی ہمت کی بدولت افلاک سے بھی آگے بڑھ سکتا ہے۔
• انسان کو اللہ عزوجل نے زمین پر اپنا خلیفہ بنانے کے لئے پیدا کیا ہے، اگر وہ اپنے اصلی مقصد کے تحت رہے تو اس کی قدروقیمت ہے اور اگر وہ دنیا کا اسیر بن کر جئے تو بے قیمت ہے۔
• انسان کو روح کی وجہ سے خیر اور شر کی پہچان ملتی ہے لیکن جو انسان اس علم کے مطابق عمل نہ کر سکے اس نے انسان ہونے کا حق ادا نہیں کیا۔
• جب انسان اپنے شرعی علم پر عمل کرتا ہے تو اس سے علم اور مشاہدہ میں مزید اضافہ ہوتا ہے۔
• نعمتوں کا شکر یہ ہوتا ہے کہ ان نعمتوں کو اللہ کی رضا حاصل کرنے کے لئے استعمال کیا جائے۔ جیسے علم کی بنیاد پر عمل صالح کرنا علم کا شکر ہے اور عبدیت اختیار کرنامعرفت کا شکر ہے۔
• کسی چیز کا علم نہ ہونا جہلِ علمی ہوتا ہے اور اپنے علم پر عمل نہ کر پانا جہل ِعملی یہ ہوتا ہے ۔ یعنی اگر عمل نہ ہو تو علم اور جہل برابر ہیں۔
• ہمارے حکمران اگر گناہوں سے نہیں بچیں گے تو علم کے لحاظ سے ان کا علم اور جہل برابر ہوں گے۔
• انسان کو دوسرے حیوانات سے اس کے علم و خبر ممتاز کرتے ہیں، چنانچہ جو انسان زیادہ باعلم اور اپنے علم پر عمل کرنے والا ہو گا وہ باقی انسانوں سے زیادہ ممتاز ہو گا۔
• انسان کے لئے موت کے بعد کی زندگی کی آگاہی بہت ضروری ہے جس کے بعد وہ یہ جان لیتا ہے کہ یہ زندگی ایک سفر ہے اور مسافر سامان ہلکا رکھتا ہے، منزل کی فکر رکھتا ہے اورعیاشی میں مشغول نہیں رہتا۔
• جو آخرت کے علم اور اس کے لئے عمل سے محروم ہے وہ زندہ نہیں کیونکہ وہ زندگی کو اس کے مقصد کے لئے استعمال نہیں کرسکا۔
• عارف کی روح میں علم کے ساتھ عمل بھی ہوتاہے اور جس روح میں علم پر عمل نہیں وہ عارف کی روح کے سامنے ایسے ہے جیسے زندہ کے سامنے مردہ۔
• انسان جب تک اپنے دل میں جگہ نہیں بنائے گا اس میں معارف نہیں آئیں گے اور جتنی جگہ ہوگی اسی کے بقدر معارف نصیب ہوں گے۔
• دنیا کی محبت اللہ عزوجل کی نامحرم ہے اگر یہ دل میں رہے گی تو حبِ الہی نہیں مل سکتی۔
https://99.cdn.tazkia.org/2021/5/9/20...