連詩雅產後首度亮相身材升Cup 鍾柔美返學拍劇兩兼顧攰到喊

連詩雅產後首度亮相身材升Cup 鍾柔美返學拍劇兩兼顧攰到喊

連詩雅 7月中為老公陳家樂誕下愛女Camila，產後兩個半月急速收身，呢日Shiga同 鍾柔美 一齊出席活動，睇上去狀態非常好，不過上圍明顯較以前豐滿，Shiga解釋因為現時仍處於餵人奶階段，會經常肚餓，即使要減磅都不能急進，會待餵餵人奶階段結束先再打算，仲話距離產前體重只相差約3公斤。

Shiga為咗愛女有足夠奶量，早已儲定奶打爆雪櫃，確保囡囡有人奶飲。外間好多反應都話BB似足老公家樂，Shiga就覺得BB似自己多啲，最緊要係BB健康。

Shiga生完BB後，家樂就離港拍戲，近日家樂終於返咗香港，Shiga話依家老公好努力學湊B，包括學換尿片、氹BB同餵奶，所以自己復工都好放心。雖然Shiga同家樂意再生BB，但目前會先投入工作。嚟緊家樂就踏入38歲，Shiga坦言做咗媽媽之後想法有改變，以前會多啲時間準備，現在會簡單同老公食飯慶祝，相信囡囡就係最好生日禮物。

Yumi近日兼顧返學同開拍新劇《特勤女團》兩邊忙，曾經因為連續3日冇得瞓覺而攰到喊，仲話之前試過拍到凌晨接住返學，放學後又再開劇，持續未能好好休息，經適應後慢慢調節，不過見佢呢日喺活動上唱跳多首歌曲表現未受影響。另外，Yumi亦有分享踏入大學嘅校園生活。

#連詩雅 #陳家樂 #Camila #餵人奶 #鍾柔美 #校園生活 #特勤女團 #升Cup
#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0