Скачать или смотреть ការបំពុលខ្យល់នៅអាស៊ីអាគ្នេយ៍ អាចបន្តឆក់យកជីវិតមនុស្សកាន់តែច្រើន

🚨 សិក្សាថ្មីគួរឲ្យបារម្ភ៖ ការបំពុលខ្យល់នៅអាស៊ីអាគ្នេយ៍ អាចបន្តឆក់យកជីវិតមនុស្សកាន់តែច្រើន ទោះមានកិច្ចខិតខំប្រឹងប្រែងទប់ទល់នឹងការប្រែប្រួលអាកាសធាតុ!

ការស្រាវជ្រាវដ៏សំខាន់មួយពីសាកលវិទ្យាល័យបច្ចេកវិទ្យាណាន់យ៉ាង (NTU) និងសាកលវិទ្យាល័យពហុបច្ចេកទេសម៉ាកាវ បានបង្ហាញថា ទោះបីជាពិភពលោកប្តេជ្ញាចិត្តយ៉ាងខ្លាំងក្នុងការដោះស្រាយវិបត្តិនៃការប្រែប្រួលអាកាសធាតុក៏ដោយ ក៏ចំនួនអ្នកស្លាប់មុនអាយុដោយសារការបំពុលខ្យល់នៅតំបន់អាស៊ីអាគ្នេយ៍នៅតែអាចកើនឡើង។ ការរកឃើញនេះបញ្ជាក់ថា វិធានការដោះស្រាយការប្រែប្រួលអាកាសធាតុតែមួយមុខប្រហែលជាមិនគ្រប់គ្រាន់ដើម្បីកាត់បន្ថយការបំពុលខ្យល់នោះទេ គឺចាំបាច់ត្រូវការវិធានការជាក់លាក់បន្ថែម ដើម្បីកាត់បន្ថយការបញ្ចេញភាគល្អិតពុលដូចជា PM2.5 ដើម្បីការពារសុវត្ថិភាពសុខភាពសាធារណៈ។

👉 ហេតុអ្វីបានជាមានការបើនាក់ស្លាប់មុនអាយុ?
#ប្រភពបំពុល៖ ភាគល្អិតល្អិត PM2.5 ដែលជាសមាសធាតុសំខាន់នៃការបំពុលខ្យល់ ភាគច្រើន (៦៤% ក្នុងឆ្នាំ២០១៩) កើតចេញពីការដុតជីវម៉ាស់ (ដូចជាឈើ) សកម្មភាពលំនៅឋាន និងការដុតឥន្ធនៈហ្វូស៊ីល។ ភាគល្អិតទាំងនេះអាចជ្រាបចូលសួត និងចរន្តឈាម បង្កជាជំងឺផ្លូវដង្ហើម និងសរសៃឈាមបេះដូង។
#ស្ថានភាពបច្ចុប្បន្ន៖ ជាង ៩០% នៃប្រជាជននៅអាស៊ីបូព៌ា និងអាស៊ីអាគ្នេយ៍កំពុងស្រូបយកខ្យល់ដែលអង្គការសុខភាពពិភពលោកចាត់ទុកថាមិនមានសុវត្ថិភាព។

👉 ការព្យាករណ៍ដ៏គួរឲ្យបារម្ភសម្រាប់ឆ្នាំ២០៥០ (សេណារីយ៉ូសំខាន់ៗ)៖
#សេណារីយ៉ូសុទិដ្ឋិនិយមបំផុត (Most Optimistic)៖ ទោះបីជាមានការរីកចម្រើនជាសកលក៏ដោយ ក៏ការស្លាប់មុនអាយុអាចកើនឡើង ៧.២% នៅឥណ្ឌូនេស៊ី និងថៃ ដោយសារលក្ខខណ្ឌស្ងួតក្នុងតំបន់ប្រជាជនរស់នៅច្រើន។ ការខាតបង់សេដ្ឋកិច្ចនឹងឡើងដល់ ៥៨០.៥ពាន់លានដុល្លារ។
#សេណារីយ៉ូជំរុញដោយឥន្ធនៈហ្វូស៊ីល (Fossil Fuel-driven)៖ ចំនួនអ្នកស្លាប់មុនអាយុអាចកើនឡើង ៩.៦% បណ្តាលឱ្យខាតបង់សេដ្ឋកិច្ច ៧៦៧.៥ពាន់លានដុល្លារ។
#សេណារីយ៉ូកម្រិតមធ្យម (Middle-of-the-road)៖ លទ្ធផលល្អប្រសើរបំផុត គឺការស្លាប់មុនអាយុអាចថយចុះ ១.៨% ដោយសារតំបន់នឹងក្តៅ និងសើមជាងមុន ដែលជួយបំបែកជាតិពុល។
ប្រទេសដូចជា សិង្ហបុរី ឥណ្ឌូនេស៊ី ថៃ និងមីយ៉ាន់ម៉ា ត្រូវបានគេរំពឹងថានឹងងាយរងគ្រោះបំផុត ដោយសីតុណ្ហភាពអាចកើនឡើងដល់ ២អង្សាសេ។
ដំណោះស្រាយរួមបញ្ចូលគ្នា៖ លោកសាស្រ្តាចារ្យ Steve Yim ដែលដឹកនាំការសិក្សា បានសង្កត់ធ្ងន់ថា ការប្រែប្រួលអាកាសធាតុ និងការបំពុល PM2.5 មានទំនាក់ទំនងគ្នា ហើយទាមទារ យុទ្ធសាស្ត្រដែលមានអត្ថប្រយោជន៍រួមគ្នា ដើម្បីកាត់បន្ថយ។ គោលនយោបាយកាត់បន្ថយការប្រែប្រួលអាកាសធាតុដែលបរាជ័យក្នុងការដោះស្រាយការបំពុលខ្យល់អាចធ្វើឱ្យបន្ទុកសុខភាព និងសេដ្ឋកិច្ចកាន់តែធ្ងន់ធ្ងរ។ លោកសាស្រ្តាចារ្យរង Koh Tieh Yong បានណែនាំថា ការបែងចែកធនធាន និងកិច្ចខិតខំប្រឹងប្រែងកាត់បន្ថយការបំពុល គួរតែកំណត់ពេលវេលាទៅតាមរដូវមូសុង និងបំរែបំរួលអាកាសធាតុរវាងឆ្នាំនីមួយៗ ដើម្បីបង្កើនប្រសិទ្ធភាព។

ក្រសួងបរិស្ថាន សូមអំពាវនាវដល់ប្រជាពលរដ្ឋទាំងអស់ បង្កើនការយកចិត្តទុកដាក់លើបញ្ហាបំពុលខ្យល់ និងចូលរួមអនុវត្តសកម្មភាពមេត្រីបរិស្ថាន ដើម្បីការពារសុខភាព និងបរិស្ថានរបស់យើងទាំងអស់គ្នា!