Скачать или смотреть 2025香港小姐競選丨過百佳麗現身作首輪面試 超過一半美女修畢碩士課程

2025香港小姐競選丨過百佳麗現身作首輪面試 超過一半美女修畢碩士課程

年度選美盛事《2025香港小姐競選》經過近一個月嘅招募，吸引唔少高質美女參選，喺6月24號上午就有過百位靚女，現身電視城接受首輪面試。喺傳媒面前，美女們都展現出優雅大方又自信嘅一面，當中仲有唔少背景特別嘅參賽者，好似自稱係岳飛35代後人嘅Fandi，當中亦有去年曾參選過香港區「環球小姐2024」躋身五強嘅許詠詩。

面試佳麗中，有人擁有幕前演出經驗，包括曾經跟王祖藍合作，及於兩歲時跟李英愛合作演過經典韓劇《大長今》嘅Emily。云云美女當中，有唔少身材相當出眾及擁有model身形。過百名佳麗當中，有人面試就化行晒妝，一副戰鬥格上場，但亦有唔少女仔反璞歸真，希望以清新脫俗感覺示人，好似有翻版莊子璇之稱嘅Victoria，以及貎似唐詩詠嘅Leona。

港姐一向標榜「美貌與智慧並重」，今屆面試佳麗中有唔少都擁高學歷，包括現年26歲嘅大律師朱綽盈，港大畢業後，而家喺北大讀碩士。正如樂易玲跟一眾面試佳麗會面之後，大讚今屆水準好高，尤其學歷方面，有一半以上佳麗碩士畢業，修讀嘅科目亦係相當廣泛。今屆亦有知名人士作提名，好似黃曉明提名咗一位大律師嚟面試。選美有年齡限制，有唔少人希望趕得切坐上27歲尾班車，好似嚟自香港嘅Angela同埋Ellen，另外亦有佳麗心口掛上勇字嚟面試。

#2025香港小姐競選 #首輪面試 #美貌與智慧並重 #擁高學歷 #身材出眾 #清新脫俗 #趕尾班車 #心口掛勇字#TVB #娛樂新聞 #TVB娛樂新聞台

#ENews #HKENews #香港娛樂八卦新聞 #八卦新聞

即刻Follow TVB 娛樂新聞台 Facebook專頁
  / tvbenews  

登入myTV SUPER享受睇TVB自製節目7日包括娛樂新聞的免費點播
https://bit.ly/2TXLlM0