Скачать или смотреть Hazrat Maolana zafar Ahmad sahab ka janaaza#

Sang By: ( shekh Mohammad Adeel )

عظیم خاندان کے عظیم فرد کی رحلت


صوفی زمن مولاناشاہ ظفرصدیقی جونپوری رحمہ اللہ اپنے معبود حقیقی سے جاملے
ازقلم :فضل الرحمان قاسمی الہ آبادی ،
اترپردیش کاشہرجونپور جوکبھی ہندوستان کامرکز تصور کیاجاتاتھا ،شرقی دورحکومت میں اس شہر کودارالسلطنت کاشرف بھی حاصل ہے ،قاضی شہاب الدین دولت آبادی(دولت آباد بعض مؤرخین نے دہلی کے قریب ایک جگہ ماناہے جب کہ دوسرے مؤرخین نے ہندوستان سے باہر دولت آباد کوماناہے اور یہی رائے زیادہ درست ہے کیونکہ شرح ہندی میں دولت آبادی ثم الھندی لفظ ہے اس سے ثابت ہوا کہ دولت آباد ہندوستان سے باہرکوئی جگہ تھی) کے جونپور میں تشریف آوری کے بعد ملک ہندوستان کے چوٹی کے علماء جوق درجوق شہر جونپور کی جانب کوچ کیا ،وقت کے کبار علماء نے جب شہر جونپور کواپنامسکن بنایا اور ہندوستان کے مختلف علاقوں سے قاضی صاحب سے استفادہ کی غرض سے حاضر خدمت ہوئے توشہر جونپور کوشیراز ہند سے لقب سے مقلب کیاگیا ،شہر جونپور یہ دیار کبار علماء ولیاء اللہ اور صوفیوں کاعرصہ دراز تک مسکن رہاہے ،ایک سے بڑھ ایک اللہ کے ولی شہر جونپور میں پیداہوئے اوراپنے علوم و معرفت سے خلق کثیر کومنور کیا ،بہت سے ایسے بھی کبار اہل علم اس شہر میں گزرے ہیں جن سے اب نسل نو ناواقف ہے بلکہ یہ کہاگیا عوام وخواص کے ذہن ودماغ نسیامنسیاہوگئے ،تاریخ کی کتابوں میں ہی صرف ان کے باقیات ملتے ہیں ،انہی اللہ کے ولیوں میں سے مولانا کرامت علی جونپوری رحمہ اللہ بھی ہیں جو شاہ عبدالعزیز رحمہ اللہ کے خاص شاگرد شاہ احمد شہید رحمہ اللہ کے شاگرد اوران کے تربیت یافتہ تھے ،مولاناکرامت علی جونپوری رحمہ اللہ عظیم داعی تھے ،انہیں ہادی بنگال کے نام سے یاد کیاجاتاہے ، مولاناکرامت علی رحمہ اللہ کے ہاتھوں بنگال میں لاکھوں کی تعداد میں خلقِ خدا تائب ہوئے اورصراط مستقیم پرگامزن ہوئے ،جونپور کا یہ خاندان انتہائی علمی خاندان ہے ،مولاناکرامت علی جونپوری رحمہ اللہ فرزند شیخ الاسلام مولاناعبدالال جونپوری رحمہ اللہ اپنے زمانہ کے بڑے عالم تھے ،عربی ادب کے امام اور نامورفقیہ تھے ،عربی ادب میں کئی کتابیں انہوں نے تصنیف فرمائیں ،آپ کی فقاہت کااندازہ آپ کی مایہ ناز تصنیف مفید المفتی سے لگایاجاسکتاہے ،شرح عقودرسم المفتی کے طرز پراس کتاب کواردو میں لکھا جو ایک زمانہ تک مدارس عربیہ میں افتاء کے طلباء کے لئے نصاب میں شامل رہی ،شیخ الاسلام مولانا عبدالاول رحمہ اللہ شیخ الدلائل مولانا عبدالحق صاحب الہ آبادی مہاجر مکی (جواپنے زمانہ کے بلندپایہ محدث ومفسر تھے چالیس سال تک حجازمقدس میں حدیث شریف کادرس دیا اورفن تفسیر کے بھی امام تھے عربی زبان میں الاکلیل علی مدارک التنزیل نامی تفسیر لکھی جومدارک التنزیل کاعربی حاشیہ ہے انتہائی مفید کتاب ہے ،اس کتاب میں فقہ حنفی پربھی اچھی خاصی بحث ہے)کے خاص شاگرد اورخلیفہ تھے ،آپ کی گراں قدرتصانیف سے طالبان علوم آج بھی نبوت سیراب ہورہے ہیں ،بندہ حقیرسراپاحقیر مادرعلمی دارالعلوم دیوبند کے کتب خانہ میں حضرت کی عربی ادب کی کتابیں پڑھنے کااتفاق ہوا ،اور مفید المفتی ازاول تاآخر پورے دلجمعی کے ساتھ پڑھا یقینا اس کتاب کے مطالعہ سے مجھے کافی فائدہ ہوا ،آپ کی عظمت قرآن کے متعلق انتہائی اورقیمتی کتاب تذکرہ الحفاظ ہے ،جس میں قرآن کی تلاوت ،آداب اور قرآن کی بہت ہی اہم مباحث کو احادیث مبارکہ اورفقہ وفتاوی کی کتابوں سے مزین کیاگیا ،جوعظمت قرآن کے موضوع پریقینا بہت ہی اہم کتاب ہے ،ہرقاری قرآن کو اس کتاب کامطالعہ ایک بار ضرور کرناچاہیئے ،بندہ حقیر سراپا تقصیر کوتذکرہ الحفاظ کاایک نسخہ کہیں سے دستیاب ہوا ،حالانکہ بندہ ناچیز نے قرآن کے موضوع پر کافی کتابوں کامطالعہ کرنے کااتفاق ہوا لیکن اس کتاب میں بہت سی نئی باتیں اور نئے نئے مباحث کی معلومات فراہم ہوئی ،یہ کتاب اردو میں ہے ،اس کتاب کی احادیث کی تخریج نہیں ہوئی صرف حدیث کی کتاب کاحوالہ دیاگیاہے ،بندہ ناچیز بہت سی احادیث کواصل مرجع میں تلاش کرنے کی کوشش کیا بہت میں کامیابی بھی ملی اور کچھ کی تحقیق جاری ہے ،اس کتاب کے مطالعہ کے بعد یہ احساس ہوا کہ شیخ الاسلام مولانا عبدالاول جونپوری رحمہ اللہ حدیث اورتفسیر کے بھی امام تھے ،مولانا عبدالاول رحمہ اللہ اورامام ربانی مولانارشیداحمد گنگوہی رحمہ اللہ دونوں کازمانہ ایک تھا ،اور حضرت گنگوہی رحمہ اللہ سے بڑے عقیدت رکھتے تھے ،مفیدالمفتی کے آخر میں تیرہویں اورچودہویں کےان علماء کاتذکرہ کیاہے جن سے انہوں نے ملاقات کیاتھا حضرت گنگوہی رحمہ اللہ کاتذکرہ باحیات علماء میں تھا
/الغرض مولانا کرامت علی جونپوری رحمہ اللہ کاخاندان انتہائی خاندان ہے ،اس خاندان کی عظیم قربانیاں ہیں ،ان کے اخلاص وللہیت تقوی پرہیزگاری کااثر ہے اللہ تعالی نے اس خاندان کاانتخاب کیا ،کئی پستوں سے علمی وروحانی وراثت منتقل ہوتی رہے ،موجودہ زمانہ میں اپنے وقت کے ولی کامل عارف باللہ مولانا شاہ ظفر احمد صدیقی رحمہ اللہ شہر جونپور میں ہرخاص وعام دلدادہ تھا ،ان کی ایک آواز پر لبیک کہتاتھا ،ان کی بزرگی تقوی وپرہیزگاری اہل شہر کے نزدیک مسلم تھی ،اپنی رائے میں انتہائی پختہ تھے ،جس رائے پرقائم ہوجاتے اس پرڈٹے رہتے ، جامعہ حسینیہ لال دروازہ جونپور میں دوران طالب علمی اس ناکارہ کوبھی کئی مرتبہ ملاقات کاشرف حاصل ہوا، اللہ نے اس خاندان کواس قدرمقبول بنایا کہ شہر جونپور جہاں دہلی کے جامع مسجد کے مثل کئی مساجد ہیں ،بڑی مسجد اوراٹالہ مسجد جوشہر کی انتہائی مساجد ہیں ان کی امامت اسی خانوادہ کے افراد کرتے ہیں اور یہ خاندان ہندوستان کاوہ خاندان ہے جو بریلوی اوردیوبندی دونوں مکتب فکر کے ماننے والوں کے درمیان یکساں مقبول ہے ،دونوں مکتب فکر کے ماننے والے ان کی ایک آواز پرلبیک کہتے ہیں ان کی فیصلوں کی اتباع وپیروی کرتے ہیں شاید ہی ہندوستان میں کوئی خاندان ہے جو دونوں مکتب فکر کے متبعین کے درمیان یکساں مقبول ہو، مولانا ظفر احمد صاحب رحلت فرمانایقینا عظیم سانحہ ہے،اللہ تعالی ان کی مغفرت فرمائے،امين