[投資] 反向ETF是什麼？跌市中如何賺錢？用於對沖或投機？買賣有什麼要注意？

#反向ETF #對沖產品 #反向ETF是什麼

［對沖産品］反向ETF是什麼？購買反向ETF有什麼要注意？

平時大家買股票，都係希望低買高賣，不過近年股市都麻麻地，跌多過升，所以要係股市賺錢都吾係甘容易，有咩喺係跌市嘅時候都可以賺錢呢？ 其中一個就係一啲反向產品，今日會同大家講下反向ETF，到底什麼是反向ETF，而買賣嘅時候又有咩要留意呢？我哋今日就一齊黎講下啦！

反向ETF是甚麼？
反向ETF（Inverse ETF，又稱Short ETF或Bear ETF）
反向ETF與普通ETF一樣，都是追蹤相關指數表現，例如追蹤恆生指數，但重點在於「反向」，傳統的ETF，指數越升，回報越多，同相關指數嘅走勢成正比，不過反向ETF就不一樣，相關指數上升，反向ETF的價格就下跌，相反，指數越跌得多就越賺得多，所以同相關指數呈反比。
所以反向ETF就係當我哋睇淡嘅時候，就可以透過反向ETF去做一個部署喇！留意反向ETF是一種採用基金結構的衍生產品，屬於「單日」產品，較適合作短綫作操作。呢個陣間都會再同大家詳細解釋。

反向ETF的回報計算
香港目前只有1倍或2倍槓桿的反向ETF，而回報不難計算，例如
1倍槓桿（-1x）的反向ETF，相關指數當日下跌5%的話，該反向ETF理論上就會升5%。
不過留意由於當中涉及費用或者有機會會有追蹤誤差等因素，所以回報應略為低於5%。
而2倍槓桿（-2x）的反向ETF，相關指數當日下跌5%，該反向ETF理論上就會升10%。

香港反向ETF選擇
現時香港有14隻反向ETF在港交所上市，相關指數大多為恒生指數，另有亦有追蹤恒生中國企業或美股標普500指數等的反向ETF。由於反向ETF的持倉主要為衍生工具，如期權、期貨、掉期合約等等，其開支比率會較普通ETF高，如FI二南方恆指
(07500)的管理費就為1.50%。

以下為香港反向ETF及代號：
恆生指數
FI南方恆指（07300）
FI易方達恆指(07302)
FI三星恆指(07312)
FI華夏恆指(07321)
FIGX恆指(07336)
FI二南方恆指(07500)

國企指數
FI三星國指(07328)
FI華夏國指(07341)
FIGX國指(07362)
FI二南方國指(07588)

納斯達克100指數
FI華夏納一百(07331)
FI二華夏納一百(07522)
FI二南方納指(07568)


標普500指數
XIGX標普(07322)

投資反向ETF的好處（反向ETF VS 牛熊證與窩輪）
如果大家睇淡後市嘅話其實都有唔同嘅投資工具， 例如牛熊證和窩輪等，到底呢幾種唔同嘅投資工具分別喺邊呢？
牛熊證有個收回價，一觸及收回價就會被強制收回架喇，所以有隨時被打靶的可能，而窩輪就有時間值不斷下降的問題，而反向ETF不會突然被收回，也沒有時間值的問題。因此，就算睇錯方向，仍可以稍為守一守。就像買股票，買咗之後股價下跌仍可以守一樣，這就是反向ETF這種產品之所以會出現的原因，的確解決了牛熊證、窩輪只能短炒，一看錯方向就得盡快止蝕的問題。
不過喺HK上市嘅反向ETF最多只有2倍槓桿，呢個槓桿比例比起牛熊證或窩輪都低好多，未必能夠做到刀仔鋸大樹嘅效應，所以依然會有人選擇牛熊證或者窩輪。而反向ETF槓桿比例之所以如此低，目的就是壓抑風險。
所以總括幾種睇淡嘅投資工具，反向ETF嘅好處是睇錯市可以稍為守一守，不過由於槓桿低，所以投機的成本也就遠高於牛熊證與窩輪。


反向ETF的風險 – 不適合長期持有
不過， 話雖如此，睇錯市可以稍為守一守，反向ETF基本上依然是以對沖或者投機性質為主，絕對不適合長期投資。因為長期而言，股市會因為全球貨幣供應不斷增加而上升，如果指數長期看升，反向ETF就沒有長期投資的價值。
而且，反向ETF基本上仍然是以其他衍生工具組成，當所代表的指數不斷上升，反向ETF的價格就不斷下跌，所以理論上，當指數上升1倍，反向ETF的價值就等於零，發行商可能宣佈解散，以免這個反向ETF的資產值變成負數。如果是2倍的反向ETF，指數只要上升50%，就足以使到這隻ETF的理論價值變成零。
因此，所謂可以守也不是無止境的守，其風險程度是高於正向的ETF，因為正向ETF基本上不會變成零價值。
而且雖然話守，同股票唔一樣，就算上落市都一樣會有損失架。
例如第一日，指數升左5%， 由10000點到10500點，100淨值就會跌5%變成95，而當第二日，指數由10500點到10000點，指數是跌咗4.76%。淨值95就會升4.76%，變成99.522，而不是100。所以即使指數反回原本的數值， 你持有反向ETF的淨值也會變少。

反向ETF每日重整 宜單日操作
另外值得留意的是，呢啲反向產品屬於「單日」產品，因為它們的投資目標是提供相等於相關指數表現，一個特定相反倍數的單日回報。所以為左達成呢個投資目標，反向產品係須每日重新平衡其投資組合，做一個叫daily rebalancing嘅動作，先可以每日都維持同一個倍數。

而如股民持股超過一日，在複合效應下，累計回報就很可能跟所追蹤指數偏離，這些追蹤誤差將導致回報不能與指數呈符合比例的相反走勢。因此，反向ETF只適宜單日操作，不宜長揸。

甚麼時候適合買反向ETF？
反向ETF除了投機之外，還有另一個價值，那就是對沖。有時，我們持有一啲股票唔想放，例如一啲高息股，一方面想keep住收息，但另一方面又預期股票會跟隨大市下跌，這時候最佳的策略就是買反向ETF對沖。

總結
反向ETF不僅可讓淡友從「買跌」中獲利，而長線投資者亦可透過反向ETF對沖短線跌市風險，不過相比起傳統ETF，反向ETF始終都是較複雜的投資產品，所以屬於新手投資者嘅嘅朋友購買前要做足功課 ，入市前亦務必清楚了解產品特性與風險，另外佢係一個短線操作，所以亦都要緊貼市況。