Скачать или смотреть Телевизийн "То Ван" 🎥 2014 он

Миний аав Чогдонгийн Тогтох 1972 онд Москва дахь Бүх Холбоотын Кино Урлагийн Дээд Сургуулийг төгссөн цагаасаа эхлэн Монгол Телевизээр овоглон Эх орныхоо өнцөг булан бүрээс мэдээ, сурвалжилга бэлдэж, мөн олон оронд томилолт аван мордож байв.

1978 онд Вьетнамын дайны фронтод дуран авайгаа үүрэн явж, Камбож, Лаос орнуудад ажиллаж, 1981 онд Монгол хүн анх Сансарт ниссэн нислэгийг Москвагаас дамжуулж, 1982 онд Энэтхэг улсад болсон Азийн 9-р наадмыг сурвалжилсан. Мөн Монголын баримтат киноны сан хөмрөгийг өөрийн 30 гаруй киногоороо арвижуулж, 1986 оны шилдэг бүтээл болсон "Янгир" баримтат киногоороо Герман, Чехословакт болсон кино-наадмуудад эх орноо төлөөлөн амжилттай оролцож байв.

2004 онд бүтээгдсэн "Маршал Юмжаагийн Цэдэнбал" баримтат-уран сайхны 5 ангит кино, мөн 2012 онд бүтээсэн "Жамбын Батмөнх" баримтат-уран сайхны 3 ангит киноны зохиогч, найруулагч, зураглаачаар нь ажилласан аавын минь бүтээл бүр нь "түүх" юм гэж одоо би бардам хэлнэ.

Тогтохын Очхүү #ochikotogtokh #totofilmsmongolia