Скачать или смотреть વિષ્ણુ ભગવાન દસ અવતાર નું સુંદર ભજન 🪴 લખેલું છે 👇

🙏🪴🙏🪴🙏🪴🙏🪴🙏🪴🙏

નકળંગી નાથને હેતે ભજો રે
કરશે ભક્તોના કામ મારો વાલો

પેલા તે જુગમાં શ્રીહરિ રે
ધર્યો છે મસ્ત્ય અવતાર મારા વાલા
શંખાસુર ભૂપને વાલે માર્યો રે
વાર્યા બ્રમ્હાજીના વેદ મારા વાલા

બીજા અવતારમાં શ્રીહરિ રે
ધર્યો વરાહ અવતાર મારે વાલે
પૃથ્વીને કાઢવા વાલો આવિયા જી રે
જાતીતી રસાતાળ મારા વાલા

ત્રીજા અવતારમાં શ્રીહરિ રે
ધર્યો કાસબ અવતાર મારે વાલે
કાચબાએ સમંદર વાલોવિયા જી રે
મેળવીયા ચૌદ રત્ન મારે વાલે

ચોથા અવતારમાં શ્રીહરિ રે
ધર્યો નરસિંહ અવતાર મારે વાલે
હરણ્યાકંસ ભૂપને વાલે માર્યો જી રે
ઉગાર્યો ભક્ત પ્રહલાદ મારે વાલે

પાંચમા અવતારમાં શ્રીહરિ રે
ધર્યો વામન અવતાર મારે વાલે
પૃથ્વીને માંગવા વાલો આવ્યા જી રે
પોતે બન્યા રખવાળ મારો વાલો

છઠ્ઠા અવતારમાં શ્રીહરિ રે
ધર્યો પરશુનો અવતાર મારે વાલો
સહસ્ત્ર અર્જુનને વાલે માર્યો જી રે
વારી છે કામધેનુ ગાય મારે વાલે

સાતમા અવતારમાં શ્રીહરિ રે
ધર્યો રામ અવતાર મારે વાલે
રામે તે રાવણ માર્યો જી રે
વાર્યા છે સીતા નાર મારા વાલા

આઠમા અવતારમાં શ્રીહરિ રે
ધર્યો શ્રીક્રિષ્ના અવતાર મારે વાલે
મામા તે કંસને વાલે માર્યો જી રે
છોડાવ્યા માં ને બાપ મારે વાલે

નવમા અવતારમાં શ્રીહરિ રે
ધર્યો છે બુદ્ધ અવતાર મારે વાલે
આસાન વાળીને વાલો બેસીયા જી રે
જોવે જગતની રીત મારો વાલો

દસમા અવતારમાં શ્રીહરિ રે
ધર્યો નકળંગ અવતાર મારે વાલે
કાલિંગાને વાલો મારો મારશે જી રે
વર્તાવશે જ્યજ્યકાર મારો વાલો
કરશે ભક્તોનો ઉદ્ધાર મારો વાલો

નકળંગી નાથને હેતે ભજો રે
કરશે ભક્તોના કામ મારો વાલો