Скачать или смотреть Ալիևն իր իշխանությունը պահելու համար կարող է ռազմական ագրեսիա ձեռնարկել

Մեր ուշադրության կենտրոնում դարձյալ մերձավորարևելյան տարածաշրջանում ստեղծված իրավիճակն է, որը սրվեց հունվարի 3-ին Իրանի «Իսլամական հեղափոխության պահապանների կորպուսի» հատուկ ստորաբաժանման ղեկավար, գեներալ Ղասեմ Սոլեյմանինի սպանությունից հետո։
Իսլամական հեղափոխության պահապանների կորպուսի աերոտիեզերական զորքերի հրամանատար, գեներալ Ամիր Ալի Ջաջիզադեն հայտարարել է, որ Իրաքում ամերիկյան բազաներին ուղղված հրթիռային հարվածները տարածաշրջանից ԱՄՆ-ի արտաքսման մասշտաբային գործողությունների սկիզբ են: Գեներալը նաև նշել է՝ «Իրանցի տառապյալների արյունը մեծ արժեք ունի, և այն չի կարող փոխհատուցվել բազաների ուղղությամբ հարվածներով, կործանիչներ կործանելով, նույնիսկ Թրամփի մահով, գլխավոր վրեժը տարածաշրջանից ԱՄՆ-ի արտաքսումն է»:
Թեմայի շուրջ «Մենք» հաղորդաշարի եթերում զրուցեցինք Արևելագիտության ինստիտուտի տնօրեն, թուրքագետ, պրոֆեսոր Ռուբեն Սաֆրաստյանի հետ։
Ի պատասխան մեր հարցին, թե ԱՄՆ նախագահ Դոնալդ Թարմփն իր նախընտրական խոստումներում հայտարարում էր՝ իր համար կարևորը Միացյալ Նահանգների շահն է ու պետք է ձգտի թուլացնել ամերիկյան ռազմական ներկայությունը աշխարհի տարբեր երկրներում։ Սակայն Թրամփն իսկ տված խոստմանը չմնաց հավատարիմ, ի՞նչն է պատճառը․ Սաֆրաստյանը պատասխանեց․«Թրամփի հայտարարությունը պայմանավորված էր հետևյալ հանգամանքով․ աշխարհը բարդացել է, ԱՄՆ-ը դժվարանում է այսօր ունենալ այնպիսի ազդեցություն, ինչպիսին ունեցել է, դա իր համար մեծ բեռ է, ինչից ուզում է ազատվել։ Թրամփի նախընտրական այդ հայտարարությունը բխում էր աշխարհում առկա այդ միտումից։ Եվ նա, իրոք, չկարողացավ իրականացնել խոստումը։ Դրանում ես տեսնում եմ վաշինգտոնյան վերանախավի ազդեցությունը, որը առաջնորդվում է սառը պատերազմի գաղափարներով ու չի կարող ազատվել ամերիկյան գերիշխանության մոլուցքից»։
Անդարադառնալով իրանական կողմի հայտարարությանը՝ տարածաշրջանից ԱՄՆ զինված ուժերի արտաքսմանը, Սաֆրաստյանը դա համարեց Իրանի ռազմավարական նպատակ։
« Դրանով Իրանը հայտարարեց իր ռազամավարական նպատակների մասին։ Սա կարևոր խնդիր է, որն իր առաջ դրել է Իրանը։ Սրանով իրանա-ամերիկյան հակամարտությունը տեղափոխվում է ռազմավարական հարթություն։ Սկսվում է մի նոր փուլ»։