R. Lalrinfeli, Lalfakawmi, Jennifer Sangzuali - Hringnun Piah Pialral

R. Lalrinfeli, Lalfakawmi, Jennifer Chhangte
Hringnun Piah Pialral
Phuahtu : Pastor C. Saikhuma
Mizo Adventist Music Association Homecoming 2020

Awmkhawhar zual chang ni a thleng thin a,
Lei hringnun hi ka dawn vel thin a thiamtawk te in;
Mahni duhaisam a lo piang kan awm love,
Zamual kan in liamsan leh mai thin e.

Hmangaihna partlan in dar ang kan lo leng za thin,
Mahse, he lei hi zawng anchhedawng ram a lo ni;
Lungduh kan then tak te nen a kan lenna tur,
Hringnun piah pialral ram ka ngai thin e.

Khawvel thil reilote a boral tur,
Chhuan zawng zawng thleng a awm tur ang hian kan lo din a;
Partin vulmawi chhing chheng a lo chuai mai ang hian,
Damlai ni kawlkung an a liam leh thin.

Damlai piah chatuan ram ka thlir thin a,
Sam ang inthen hnute kan intawk leh ngei angem?
Chung Pathian malsawmtu leh dawt sawi ngai lo chuan,
Hmangaihte tan a tiam ka ringhlel lo.

Lallunghnem min awm rawh, ka ngai em che,
I tello chuan damlai kawng chhuk chho tuan ka zuam lo;
Ka hmuh theih zawng zawng hi a chul zo dawn si a,
I lenna Zion ram min thlen ang che.