Скачать или смотреть Gujarat Weather: ગુજરાતમાં કેવું રહેશે હવામાન? શું છે આગાહી?

#weather #rain #gujarat

હાલ ગુજરાતમાં વરસાદે વિરામ લીધો છે અને મોટા ભાગના વિસ્તારોમાં વરસાદ બંધ થઈ ગયો છે. કેટલાક વિસ્તારોમાં હળવો અને છૂટોછવાયો વરસાદ પડી રહ્યો છે, પરંતુ ચોમાસામાં પડવો જોઈએ એવો ધોધમાર વરસાદ હાલ પડી રહ્યો નથી.

હાલ મૉન્સૂન ટ્રફ ઉત્તર ભારત તરફ ખસી ગઈ છે અને તેના કારણે ઉત્તર ભારતના વિસ્તારોમાં ભારેથી અતિભારે વરસાદ પડી રહ્યો છે. અહીં ઘણા વિસ્તારોમાં પૂરની સ્થિતિ પેદા થઈ છે.

ગુજરાતમાં સામાન્ય રીતે જુલાઈ અને ઑગસ્ટ મહિનામાં સૌથી વધારે વરસાદ પડતો હોય છે, પરંતુ આ વર્ષે જુલાઈ મહિનાના અંત અને ઑગસ્ટ મહિનાની શરૂઆતમાં રાજ્યના ઘણા વિસ્તારોમાં વરસાદ પડ્યો નથી.

સૌરાષ્ટ્ર અને કચ્છના મોટા ભાગના વિસ્તારોમાં હાલ ખેડૂતો વરસાદની રાહ જોઈ રહ્યા છે. જુલાઈના છેલ્લા અઠવાડિયામાં સૌરાષ્ટ્રના મોટા ભાગના વિસ્તારોમાં 70 ટકા કરતાં વધારે વરસાદની ઘટ જોવા મળી હતી. જ્યારે કચ્છમાં 94 ટકા ઘટ જોવા મળી હતી.

જોકે, હવે હવામાન વિભાગે આપેલી માહિતી પ્રમાણે અને હવામાનનાં વિવિધ મૉડલો અનુસાર રાજ્યમાં ફરીથી વરસાદનો નવો રાઉન્ડ આવે તેવી શક્યતા દેખાઈ રહી છે. આ રાઉન્ડ પહેલાં બંગાળની ખાડીમાં એક નવી સિસ્ટમ બને તેવી શક્યતા છે.

વીડિયો : દીપક ચુડાસમા


બીબીસી ન્યૂઝ ગુજરાતી સાથે વૉટ્સઍપ પર જોડાવા લિંક પર ક્લિક કરો https://whatsapp.com/channel/0029Vaaw...

Privacy Notice :
https://www.bbc.com/gujarati/articles...

તમે અમારી સાથે જોડાઈ શકો છો :
Website : https://www.bbc.com/gujarati​
Facebook : https://bit.ly/2nRrazj​
Instagram : https://bit.ly/2oE5W7S​
Twitter : https://bit.ly/2oLSi2r​
JioChat Channel : BBC Gujarati
ShareChat : bbcnewsgujarati