القرش والمليون 🔥 اكتمال دية عبدالله العجمي - فهد بن فصلا (جديد) | 2023

لطلب التصميم واتساب فقط
https://iwtsp.com/966562431856

اشترك في قناة نجم عبيدة الرسمية وفعل زر التنبيه
   / @nagem_abidah  

لمتابعة المصمم نجم عبيدة على وسائل التواصل :
https://alfan.link/nagem_abidah
===============

شيلة اكتمال دية عبدالله العجمي
كلمات سليمان بن ساقه
أداء فهد بن فصلا
تصميم نجم عبيدة

--------------------------
الكلمات :

موال

دوب احتمت جمرة الغليون
والسيل حول بواديه
.
كله لجل شايبٍ دندون
من سعد وسط السعوديه
.
يزهم علينا وجاه العون
ماعاد فيها حياديه
.
تساون القرش والمليون
يومين ونقفل الديه
—————
ياهاجسي لا تعذر لي بكثر الظروف
مايعتذر عن عوال عجيم غير رخمه
.
لو كنت مابين غنوا والحساء والهفوف
اصد من محكمه واقبل على محكمه
.
اعاند ايام عيت لا تحن وتروف
وان شفت لي راسٍ اصوك فاللزوم ازهمه
.
ماني بويا القصيد اللي تبيه الصفوف
الجو فيه اكتمه والصدر فيه اكتمه
—-
واليوم عقب الخبر ياويش عذر الحروف
ملعون ابو شاعرا يبخل بحبر قلمه
.
انا ليا ضاقوا العجمان ماعاد اشوف
ارتاح يا راعي… الهاجوس والملهمه
.
مواقفٍ ماتعز الراس بين الكتوف
افلام يبغي لها عند العرب ترجمه
.
كم شاعر بالمجالس صايرن فيلسوف
واليوم حتى وجوده صار مثل اعدمه
——
يا اهل القنازع ليا نامت عيون الضعوف
حنا نبوج الخطر فالليله المضلمه
.
فى ضفنا تسهج الحدان حما الشعوف
اليا غدا فـاللقاء لـ ام السبيب ارهمه
.
الشامري صار راسه تحت حد السيوف
وان مارحمناه خلق الله ماترحمه
.
لا تنتخي بي ياعبدالله ويدهاك خوف
للغيم من فضل ربي فوق سِعد ارزمه
——
ان جات يام العريقه جاك سيل جروف
سيل يطم اكبر الضلعان ويدمدمه
.
قبيلة فعلها عند الرجال امعروف
وضلالها للعرب ماهو بضل اسلمه
.
يالشامري جل همك كل ربعك وقوف
الشعر له ملحمه والفعل له ملحمه
.
المال جعله طريقه والحلال امخلوف
ومدور الهرج لا يفتح علينا فمه
——-
تفازعوا ياذرا الهايب وستر الهنوف
اللي من الضول عود هرجها تمتمه
.
دكوا بجمعٍ يسبب للبسيطه كسوف
لو يدخل العود وسطه مايرد انسمه
.
كل ابلج دون ربعه للمواقف شغوف
من يوم جاه الخبر متنجدٍ محزمه
.
ينعت ويزهم وينخا والعقال محذوف
ومن الحمايا كثير الهرج ماتفهمه
——
( ماعقب حذف العمايم غير حذف الالوف
خلوا رزم الدراهم كبر ضلع ايدمه )
.
( حذف الملايين ماهو مثل حذف القطوف
المال مرجود …. ديناره على درهمه )
.
والله مانلحق الاموال دونه حسوف
من مالنا غير قوت اليوم مانلزمه
.
هذا ولدنا ودونه ماتضيع الشفوف
اموالنا ماتساوى قطرتن من دمه
—
الطيب يالمرتكي ماهو بكثر الحلوف
ماتاجد التمر كانك مازرعت اعجمه
.
هقواتنا فى هل العادات ترقا الطفوف
مصقولنا يثلم الايام ماتثلمه
.
اقولها من طناخة راس ماني زهوف
ارقابنا ياعباد الله مهي بشحمه
.
ان قالها اللي بتدبيره تسير القنوف
صبينا ماينوش السيف حد لحمه

================

▪لاتنسى الاشتراك بالقناه.
▪️لايك اذا عجبك الفيديو. 💜
▪انشر الشيله في قروباتك و اي مكان تبي لاهنت 📲
▪️ولا تنسى تفعيل ( 🔈) الجرس عشان تشوف كل جديد و حصري ..


////////////////////////// ‏

#شيلات #فهد_بن_فصلا #جديد_2023 #نجم_عبيده