Скачать или смотреть നാരായണകവചം/ Narayanakavacham/ സുപഥ/ Supatha / ഡോ.ശ്യാം മലയിൽ / Dr Syam Malayil

Copy right Reserved**
#narayanakavacham
#supatha
#drsyammalayil

PLEASE SUBSCRIBE THE CHANNEL,
LIKE THE VIDEO CLASSES,
SHARE WITH YOUR FAMILY& FRIENDS🙏
🪔🪔🪔🪔🪔🪔🪔🪔🪔🪔🪔🪔

ശ്രീമദ്ഭാഗവതാന്തർഗതമായ (ഷഷ്ഠസക്ന്ധത്തിലെ എട്ടാം അധ്യായം)

നാരായണകവചമന്ത്രം

സാരാംശം

1.ഗരുഡന്റെ പുറത്തുവിളങ്ങിക്കൊണ്ടിരിക്കുന്നവനും എട്ടുതൃക്കൈകളിൽ ശംഖ് , ചക്രം , പരിച , വാൾ , ഗദ , ശരം , വില്ല് , പാശം എന്നിവ ധരിച്ചവനും ഓംകാരസ്വരൂപനുമായ ഭഗവാൻ ശ്രീഹരി എന്നെ എല്ലാവിധത്തിലും രക്ഷിക്കുമാറാകണേ.

2. ജലാശയങ്ങളിൽ ജലജീവികളിൽ നിന്നും വരുണപാശത്തിൽ നിന്നും, എന്നെ മത്സ്യ രുപം ധരിച്ചവനായിട്ടു രക്ഷിക്കട്ടേ !
കരയിൽ മായാവടുരുപം ധരിച്ച വാമനൻ രക്ഷിക്കട്ടെ ! ആകാശത്തിൽ വിശ്വാകാരമായ ത്രിവിക്രമ മൂർത്തി രക്ഷിക്കട്ടെ !

3.വിഷമഘട്ടങ്ങളിലും, വനാന്തരങ്ങൾ, യുദ്ധോദ്യമം ഇത്യാദികളിലും, അസുര സൈന്യാധിപന്മാരുടെ ശത്രുവും, മഹാപ്രഭുവുമായ, നരസിംഹമൂർത്തി രക്ഷിക്കട്ടേ ! ആ നരസിംഹമൂർത്തിയുടെ മഹാട്ടഹാസം ശ്രവിക്കവേ, ദിക്കുകൾ മാറ്റൊലി കൊള്ളുകയും ഗർഭങ്ങൾ അലസുകയും ചെയ്യുന്നുവല്ലോ !

4.യജ്ഞങ്ങൾക്കു രൂപകല്പന ചെയ്തവനും, തന്റെ തേറ്റയാൽ ഉയർത്തിയെടുക്കപ്പെട്ട ഭൂമിയോടു കൂടിയവനുമായ , ആ വരാഹമൂർത്തി എന്നെ യാത്രാമദ്ധ്യത്തിലും, പരശുരാമൻ, പർവതശൃംഗങ്ങളിലും രക്ഷിക്കേണമേ! ലക്ഷ്മണസഹിതനായ, ഭാരത ജ്യേഷ്ഠൻ ( ശ്രീരാമൻ ) വിദേശവാസാവസരത്തിലും കാത്തരുളേണമേ .

5.ക്രൂരകർമ്മങ്ങളിൽ(ആഭിചാരം)നിന്നും, എല്ലാ പാകപ്പിഴകളിൽ നിന്നും നാരായണ എന്നെ രക്ഷിക്കേണമേ! അഹങ്കാരത്തിൽ നിന്ന് നരനും രക്ഷിക്കട്ടെ. യോഗങ്ങൾക്കു നാഥനായ ദത്താത്രേയനാവട്ടെ, യോഗ ഭ്രംശത്തിൽ നിന്നും, പിന്നെ, ത്രിഗുണാധിപനായ കപിലൻ കർമ്മങ്ങളുടെ ബന്ധത്തിൽ നിന്നും പാലിക്കുമാറാകട്ടെ.
(മഹാവിഷ്ണുവിന്റെ ഓരോ അവതാരങ്ങളും ചൊല്ലി കൊണ്ട്, എല്ലാ ഭയങ്ങളിൽ നിന്നും രക്ഷിക്കണേ എന്ന് അപേക്ഷിക്കുകയാണ് )

6.കാമദേവനിൽ നിന്നും സനൽകുമാരനും, മാർഗ്ഗമദ്ധ്യേ, ദേവന്മാരെ അനാദരിച്ചാൽ ഹയഗ്രീവനും, ദേവപൂജക്ക് മുടക്കം ഉണ്ടാവാതിരിപ്പാൻ ശ്രീനാരദ മഹർഷിയും, എല്ലാ ആപത്തുകളിൽനിന്നും കൂർമ്മ മൂർത്തിയായ ഹരിയും എന്നെ കാത്തരുളേണമേ !

7.ഭഗവാനായ ധന്വന്തരി മൂർത്തി, ഭക്ഷ്യ വിഷാദികളിൽ നിന്നും, ജിതേന്ദ്രിയനായ ഋഷഭദേവൻ ദ്വന്ദങ്ങളാലുള്ള ഭയത്തിൽ നിന്നും രക്ഷിക്കട്ടെ! ലൌകിക ക്ലേശങ്ങളിൽനിന്നും ജനത്തിരക്കിൽ നിന്നും ബലരാമനും ,സർപ്പങ്ങളുടെ സംഘത്തിൽനിന്നും ആദിശേഷനും രക്ഷിക്കേണമേ!

8.അജ്ഞാനത്തിൽനിന്നും വേദവ്യാസമഹർഷിയും, നാസ്തികരുടെ പിടിയിലകപ്പെട്ടു നട്ടം തിരിയാതിരിപ്പാൻ ബുദ്ധദേവനും കലിബാധയിൽ നിന്ന് ധർമ്മസംരക്ഷണത്തിനായി അവതാരം സ്വീകരിക്കുന്ന കൽക്കിയും എന്റെ സംരക്ഷണത്തിന് എത്തേണമേ.

9. പ്രാത:കാലത്തു ഗദകൊണ്ട് കേശവൻ എന്നെ രക്ഷിക്കേണമേ. പന്തീരടിവരെ ഓടക്കുഴലേന്തിയ ഗോവിന്ദമൂർത്തിയും ഉച്ചവരെ മഹാപ്രഭുവായ നാരായണനും മദ്ധ്യാഹ്നകാലത്ത് ചക്രമേന്തിയ മഹാവിഷ്ണുവും നമ്മെ കാത്തരുളേണമേ.
( ദിവസത്തിലെ ഓരോ സമയത്തും ഏതേതു ഭഗവാൻ, ഏതു ആയുധവുമായി രക്ഷിക്കണം എന്ന് പ്രാർത്ഥിക്കുന്നു. )

10.ഉച്ചക്ക്ശേഷം ഉഗ്രമായ വില്ലേന്തിയ, മധുസൂദനദേവൻ എന്നെ കാത്തരുളട്ടെ. സായം കാലത്ത് മൂർത്തിത്രയാത്മകനായ ശ്രീ മാധവനും, സന്ധ്യാസമയത്ത് ഹൃഷീകേശനും പാതിരാവോളം ശ്രീ പദ്മനാഭനും രക്ഷിക്കേണമേ.

11. പാതിരാവിന് ശേഷം ശ്രീവത്സധരനായ ഭഗവാനും, ഉഷസ്സിൽ ഖഡ്ഗധാരിയും ഭഗവാനുമായ ശ്രീജനാർദ്ദനനും, പ്രഭാതത്തിൽ ശ്രീദാമോദരനും, സന്ധ്യ തോറും കാലസ്വരൂപനും ഭഗവാനുമായ ശ്രീ വിശ്വേശ്വരനും രക്ഷിക്കുമാറാകണമേ.

12. കൽപ്പാന്താഗ്നിപോലെ ജ്വലന ശേഷിയുള്ളതും സദാ സമയവും ഭഗവാനാൽ ചുഴറ്റപ്പെടുന്നതുമായ സുദർശനചക്രത്തിന്റെ പുറവട്ടം വായുവിന്റെ സഹായത്തോടുകൂടിയ അഗ്നി എന്നപോലെ ശത്രുസൈന്യത്തെ, ഉണങ്ങിയ പുൽക്കൊടിയേയെന്നോണം ചുട്ടുചാമ്പലാക്കേണമേ!

13. കൗമോദകി എന്ന ഭഗവാന്റെ പ്രിയപ്പെട്ട ഗദ, കൂശ്മാണ്ഡന്മാർ, വിനായകന്മാർ, യക്ഷന്മാർ, രക്ഷസ്സുകൾ, ഭൂതങ്ങൾ, ഗ്രഹങ്ങൾ എന്നിവയെ അടിച്ചു പൊടിക്കേണമേ!
(നമ്മുടെ പുറത്തും അകത്തും ഉള്ള എല്ലാ ശത്രുക്കളെയും, ദുര്ബലതകളെയും ഇല്ലാതാക്കാൻ ഭഗവാന്റെ ആയുധങ്ങൾക്കേ കഴിയൂ )

14. അല്ലയോ, പാഞ്ചജന്യമേ, അങ്ങ് കൃഷ്ണഭഗവാനാൽ ഊതപ്പെട്ടതായ, ഭീകരശബ്ദത്തോടു കൂടി, ശത്രുവിന്റെ ഹൃദയങ്ങളെ വിറപ്പിച്ചുകൊണ്ട്, രാക്ഷസന്മാർ, ഭൂതങ്ങൾ, പ്രേതങ്ങൾ, മാതാക്കൾ, പിശാചു ക്കൾ, ബ്രഹ്മ രക്ഷസ്സുകൾ, ഗ്രഹങ്ങൾ ഇവയുടെ ദൃഷ്ടിബാധ, അകറ്റിയാലും.

15. മൂർച്ചയേറിയ വായ്ത്തലയോടു കൂടിയ വാളുകളുടെ നാഥ! അങ്ങ് എന്റെ ശത്രു സൈന്യത്തെ, അരിഞ്ഞരിഞ്ഞു കളഞ്ഞാലും. അല്ലയോ ഭഗവാന്റെ നൂറു ചന്ദ്രക്കലകളാടുകൂടിയ പരിചേ! എൻ്റെ ശത്രുക്കളുടെ കണ്ണുകൾ മൂടണമേ. തുറിച്ചു നോക്കുന്ന ശത്രുക്കളുടെ കാഴ്ചശക്തി നശിപ്പിക്കേണമേ.

16&17. ഗ്രഹങ്ങൾ,ധൂമകേതുക്കൾ, ദുർജ്ജനങ്ങൾ, ഇഴജീവികൾ, പന്നി മുതലായ തേറ്റപ്പല്ലുള്ള ജീവികൾ, അഗ്നി മുതലായ പഞ്ചഭൂതങ്ങൾ, പാപികൾ ഇവയും നമുക്ക് ശ്രേയസ്സിനു പ്രതിബന്ധമായിരിക്കുന്നവരും എല്ലാം ഭഗവാന്റെ നാമം, അംഗപ്രത്യംഗവർണ്ണന, ആയുധങ്ങൾ എന്നിവയാൽ പൂർണ്ണമായും നശിക്കട്ടെ.

18. സർവശക്തനും, ഭഗവാനും, ദേവസ്വരൂപനും, വേദസൂക്തങ്ങളാൽ സ്തുതിക്കപ്പെടുന്നവനും, അസുര സൈന്യത്തെ തുരത്തുന്നവനുമായ ഗരുഡൻ, തന്റെ, നാമോച്ചാരണങ്ങളാൽ പ്രീതനായിട്ട്, സകല ആപത്തുകളിൽ നിന്നും രക്ഷിക്കട്ടെ.

19. ശ്രീഹരിയുടെ നാമ-രൂപ-യാന- ആയുധങ്ങളും, പാർഷദമുഖ്യരും, ഞങ്ങളുടെ ബുദ്ധി, ഇന്ദ്രിയങ്ങൾ, മനസ്സ്, പ്രാണങ്ങൾ എന്നിവയെ, എല്ലാ ആപത്തുകളിൽ നിന്നും രക്ഷിക്കേണമേ.

**Copyright -:
All the content published in this channel is protected under copyright law and should not be used or reproduced in full or part , without creator's ( Dr. Syam Malayil alias Dr. Syam M S) prior permission. The right and credit of photos and background music is reserved to its respective creators. Special credits to Pinterest.com for pictures & Yellowmusic youtube channel for royalty free music.
For queries feel free to cotact in our mail id - : supathaschoolktm@gmail.com & mssyammalayil@gmail.com
Ph: 8089462210